OBRADOIRO DE DIARIO VISUAL EN NOCTURNIA

 Atención! Este luns 11 de maio ábrese prazo para a inscrición nos obradoiros de Nocturnia. 

Vémonos o venres no Ágora con distintas e interesantes propostas que nos axuden a representar o cotiá da forma máis creativa.  

MOSAICO DA MEMORIA NA UDC, en Arrolar

 

Encontro do Mosaico da Memoria o día 8 de Maio 2026 en A Coruña, de 1630 a 1930. Gracias á cooperativa Atalaia por contar comigo nesta nova edición de Arrolar na Cratividade, Autocoidados feministas.

Moitas gracias por vir e compartir a historia das mulleres que deixaron pegada na vosa vida. Imos enchendo un capítulo da historia non contada; o capítulo das que coidaron de nós e sustentaron a vida.

 

   

EN OUTUBRO EMPEZAMOS TODOS OS GRUPOS

En outubro todos os grupos empezamos a traballar, e aínda queda algunha praza por se te despistaches. Os venres hai dous grupos para peque artistas e mocidade; as catro e media e as seis!

Atención porque tamén empeza o laboratorio creativo, e lembra que antes de empezar temos unha charla persoal para afinar o camiño que vas facer durante o laboratorio. A primeira sesión será o día 11 de Outubro e xa están marcados o resto de sábados que imos quedar.  Apuuuura!!

PRÓXIMAS ACTIVIDADES

 Volve o Mosaico da Memoria :) esta vez en Teo e en Vigo. 

Únete a crear en comunidade esta obra grande polo que representa e porque da visibilidade a tantas mulleres que normalmente quedan aí agochadas... os coidados, os afectos,... ti sabes. 

O sábado 20 de setembro estarei en Cacheiras, Teo, no Local de María Xosé Díaz e só tes que reservar a túa praza escribindo ao email polotallerdepolo@gmail.com e así te explico os detalles. 

O sábado 27 de setembro estarei en Vigo, na Asociación Lar de Sopas de 11:00 a 14:00 e de catro a seis, argallando xuntas este mosaico. 

Sabes que é unha actividade gratuíta para as participantes. Pero si que tes que traer algún material persoal que te indicarei por correo cando realices a túa reserva. 

En Teo podes ver a miña expo individual no Local de María Xosé Díaz durante setembro e parte de Outubro. Inauguración o día 12 , estás convidadx! 

XULLO

 Atención! 

Do 29 de xuño ao 8 de Xullo non hai clases de adultos, xa que fago un pequeno descanso :)

Os peque artistas con Julia están os martes pola mañá e grupo de adultos, a partir de 10 anos, os mércores 9-16-23 e 30 de xullo. 

E os martes 15 e 22 de xullo podes vir a facer colaxe ;) 

Escribe a polotallerdepolo@gmail.com e reserva a túa praza para colaxear!

 

OBRADOIRO DE COLAXE NA BIBLIOTECA

 

Aínda queda algunha praza para o obradoiro deste mércores na Biblioteca do Forum. O link para anotarte!

https://www.coruna.gal/bibliotecas/es/actividades/plantillas/actividades-en-las-bibliotecas/detalle-evento/obradoiro-descubrindo-a-moda-a-traves-da-pintura/suceso/1453890393726

 

Antes da invención da fotografía as pintoras e pintores foron relatores do seu tempo deixándonos valiosa información acerca da moda e costumes propias da súa época.

Neste taller imos combinar a Historia da Arte coa creación contemporánea a través do colaxe, ofrecendo unha perspectiva crítica e creativa sobre a moda de outros tempos. 

O colaxe consiste en crear unha nova representación a partir da apropiación e mestura de imaxes xa existentes. Nós imos empregar como punto de partida para o noso colaxe varias pinturas que nos mostran a moda do seu momento e deixan constancia da súa importancia como expresión de poder, status e gusto persoal.

Apropiarémonos sobre todo de pinturas presentes no Museo do Prado ( aínda que tamén doutros museos) e, a partir de estas, realizaremos obras que reflictan os nosos descubrimentos sobre a vestimenta e costumes de séculos pasados.

 

 

 

Próximos encontros do Mosaico da Memoria

 

Convidámoste a formar parte do proceso de creación dun mosaico que recolle a parte feminina do noso pasado, re-visitando ás nosas mulleres referentes; avoas, nais, tías, amigas,... unha oportunidade para conectar e entender ás mulleres que nos precederon. O pasado aínda nos constrúe?

Realizaremos unha obra artística que une todas as pezas que vaiamos creando en diferentes obradoiros e lugares ao longo deste ano e próximo. Empregaremos o colaxe como técnica guía ou predominante podendo incluírse tamén debuxo ou o que xurda no momento e segundo os materiais que teñamos a man.

Actividade gratuíta para mulleres, os próximos encontros serán en Bergondo e na Casa Museo M Pita. Para o encontro en MPita aínda quedan prazas podes reservar escribindo a polotallerdepolo@gmail.com ou no tlf 617 293 024. 

E lembra que aínda podes visitar a exposición Mosaico da Memoria ata o día 30 de xuño na Casa Museo María Pita.

 

 

 

 

Talleres de Colaxe

 

Temos talleres para todas as idades nas proximas semanas e así ofrecervos un espazo para desenvolver toda a vosa creatividade . Como os talleres de colaxe, son tres talleres independentes empezando o día 7 pola tarde, entre festivos , unha oportunidade para refrescar a mente, divertirse de maneira tranquila e reflexiva. Para maiores de 12 anos.

E lembrarvos que para os máis cativos da familia, a partir de seis anos Julia Aguiar e eu sumamos forzas para compartir unha semana de arte super especial: no Taller de Arte para pequeartistas máis creativos e expresivos: a semana do 26 ao 30 de Decembro. Toda a info aqui no blog ou escribindo a polotallerdepolo@gmail.com 

 

  Talleres de Colaxe: 

Os días 7 de Decembro e 4 de Xaneiro teremos no tallerdepolo obradoiro de colaxe ( o día 21 colaxe no centro da cidade ;) , son talleres soltos-individuais, nos que imos desenvolver a nosa creatividade a base de cortar e pegar. Imos coñecer artistas que empregan o colaxe como medio de expresión e ver as moitísimas posibilidades que nos ofrece esta técnica que pode chegar a ser sorprendente e moi sofisticada. Faremos un xogo en grupo e realizaremos exercicios que nos introduzan na dinámica do colaxe para expresar as nosas ideas. Os materiais están incluídos no taller pero se tes tesoiras favoritas podes traelas. Ao final da xornada levarás a casa varios traballos que te sorprenderán. O prezo de cada obradoiro é de 25 euros, empezando ás cinco e ata as oito, tomando a tarde con calma , abstraéndonos e pasando un tempo de calidade xuntas-os .

O 21 de Decembro faremos o obradoiro de colaxe en San Andrés, colaborando co Feirón se Patrón, a un prezo especial nun ambiente festivo e rodeadxs de moita arte . Escríbeme para reservar praza en calquera deles. 

Taller na Asociación veciñal Os Nosos Lares de Palavea

Un novo convite dende o barrio de Palavea, moi agradecida a esas veciñas que se achegaron o día 26 de Outubro a compartir un momento de ledicia e moita consciencia do ser e estar. Gracias á Os Nosos Lares por contar comigo unha ocasión máis e pola labor que están a facer dinamizando do barrio.

Debuxo e a pintura son linguaxes ao alcance de todas nós.

Serven para expresarnos, para mostrar como nos sentimos e transformar enerxías do noso interior en liñas cheas de poder. Por experiencia propia sei o moito que nos pode aportar a arte, como pode revisar a nosa historia de vida e xerar novas formas de ver e interpretar o que temos ao redor, o que cremos ser e como nos relacionamos con estereotipos e prexuízos. 

Neste obradoiro collimos un pouco de poder a través da liña e da súa expresividade. A tinta e as sorpresas que nos da e a música como guía do movemento da nosa man.

Un novo convite dende o barrio de Palavea, moi agradecida a esas veciñas que se achegaron a compartir un momento de ledicia e moita consciencia do ser e estar.

Comezamos un novo curso!! de Outubro a Xuño con grupos de pintura e debuxo, taller infantil e unha nova posibilidade; teatro terapia.

As clases son un tempo para ti, para compartir en compañía o pracer de pintar, aprender e facer cousas moi lindas. Aprender a pintar e moito máis! Lembra que tamén sairemos a ver exposicións en grupo; aprender a través da obra de outros artistas e pasar un tempo de calidade compartindo cultura e arte.

Na pestana HORARIOS 2022-2023 tes toda a información e tamén contactando comigo no tlf. 617 293 024 ou en polotallerdepolo@gmail.com 

Grupos reducidos de pintura e debuxo os luns e xoves pola tarde e mércores pola mañá, con Polo como mestra. Reserva a túa matricula canto antes!
Seguiremos traballando en pequenos grupos, nos que podes debuxar e pintar: óleo, acrílico ou acuarela, probar a mesturar técnicas ... nas tardes do luns e xoves . Con amplo horario para conservar eses grupos cativos (podemos empezar as catro-cinco e ata as oito ou nove, segundo se formen os grupos cada dúas horas). Tamén seguimos pintando os mércores pola mañá no mesmo horario habitual a partir das 10:30 horas.
Nos grupos de PINTURA podes probar diferentes técnicas e buscar a que se adapte máis a ti e ao momento no que te atopas. Mellorar o teu debuxo, adquirir coñecementos básicos para afrontar o debuxo e o volume, perspectiva ou anatomía e prepararte para acceder a escolas de arte é tamén algo que podes ir facendo ao longo do curso, realizando un bo portfolio e acadando solidez e confianza na tua man.Para o Debuxo o SABADO pola mañá é un bo día, menos un sábado ao mes teremos clase as 11:30 horas.

Laboratorio creativo
O lab para mulleres estará activo por trimestres de outubro a decembro, xaneiro-marzo e abril-xuño. Non se require matrícula pero si o compromiso de pago, por trimestres, de todos os meses que dura a actividade (de outubro a xuño) aínda que non poidas asistir ao obradoiro do mes (xa miraremos o xeito de compensalo). A mensualidade de 60 euros cubre o taller mensual (mínimo de tres horas un sábado o 3º ou cuarto sábado do mes ) e unha titoría individual trimestral .
Actualmente podedes ver unha exposición no Café Universal cos traballos de dúas das participantes do primeiro laboratorio, Marta V e Paula Cabaleiro, pásate a vela!
A primeiros de 2023 expoñeremos na Casa Museo de María Pita un conxunto de traballos de algunhas das participantes de este marabilloso grupo de creación.

Taller infantil
As clases do grupo Infantil impartidas pola artista Julia Aguiar continúan todos os venres de cinco a seis e media, cun prezo de 48€/mes (exentos de matricula) e inclúe todos os materiais excepto un bloc de debuxo persoal (A3 acuarelable) para cada nenx. Calquera información Julia vos contesta con gusto no telf. 634 583 689  ,no email juliaguiarmarcos@outlook.com e no Instagram e facebook @atelierconjulia

Taller de teatro terapia
Unha novidade que nos ofrece este curso Marina Rivela é un grupo de teatro terapia, unha actividade moi especial “Un lugar donde la expresión en libertad es bienvenida y cuidada. Soltar carencias, creando así una red para caer en un remanso de paz, de alegría. Necesitamos estar curad@s para curar e intentar construir nuestro mundo interior más fuerte que nunca.” para adultos nas tardes dos mércores .
Podes consultar polo miúdo con Marina no tlf. 651 497 857 ou no Instagram @T. espejoalma

"Un espazo para coñecernos e entender que nos ocurre moitas veces con nosoutrxs mesmxs e cos demais. É curioso porque cando nacemos vimos con toda a información para poder vivir en paz, para gozar do simple, do cotiá. Que nos ocurre pra que logo non sexamos cpaces de captar o sentido da vida? E as veces é tan fácil como: escoitate, para , respira e desfruta. "

Clases de arte terapia os Mércores pola tarde!  contacta con  Marina Rivela no instagram @t.esperjoalma ou no tlf. 651497857

Espérovos no taller! Compartindo momentos moi especiales cheos de creatividade e humanidade :)

Participacion no "Laboratorio Escóitasme?" na Fundación Seoane

Fun convidada en Maio a participar no “Laboratorio Escóitasme?” Da Fundación Luis Seoane para propoñerlles un reto a un grupo de mozas e mozos a partir do visionado dalgunha das miñas obras. O laboratorio Escóitasme comezou durante a pandemia e, un numeroso grupo de familias atoparon nel un momento de diversión e achegamento ao arte dende a distancia e seguen aínda facendo esta proposta pero de maneira presencial. Trátase dunha idea de Fermín Blanco creador do Sistema Lupo e que conta con numerosas intervencións didácticas e de educación artística en museos, colexios, e diferentes contextos. 

Elixín para este grupo realizar un reto en papel, mediante o colaxe, un reto no que mesturamos o pasado e o presente a través das imaxes, mirando a importancia que o pasado, o noso pasado ten na nosa construción identitaria tanto individual como colectiva e como podemos revisar e re-escribir a nosa historia  a través das imaxes; ofrecéndonos novas oportunidades para vernos distintas. 

 

 

 

 Mostreilles varias das miñas obras pero vouvos compartir aquí dúas; un acrílico no que incorporo tamén o colaxe ao mesturar papeis e fotografía. E un colaxe que realicei recentemente para unha publicación de Aselafem (Asociación de Estudos Laborais Feminista) Receitas de vida, Economía Feminista.  E móstrovos imaxes de como foi tomado o reto e dos resultados. 

 

 

 Moitas gracias á Fundación Seoane e a sua directora Silvia Longueira por pensar en min para este exercicio tan interesante nunha compañía tan agradable.

Encontro Roi Alonso e Polo en Transitando Arte, Palavea

O segundo encontro de Transitando arte conta con Roi Alonso, creando ao longo da tarde do 6 de Novembro unha obra fotográfica que acompañe a unha das miñas obras pictóricas, eu son Polo :) e estarei creando con vós.

 

Estou traballando nun óleo, que necesita aportes dende fóra para poder avanzar, polo que abro un proceso creativo íntimo á colaboración cos artistas convidados neste Transitando arte, proceso aberto tamén á veciñanza que nos acompañe ese día. As ideas que xurdan nese momento, a partir desta obra en proceso e do seu movemento polo espazo público, seguro me levan a avanzar no proceso de creación, a ver de descubrir unha visión que conecte co que xa teño feito pero que eu descoñecía ou non me atrevía a incorporar á peza. É todo unha incerteza, un proceso creativo que camiñará coa experiencia do Transitar e do que só sabemos seguro que poderedes ver resultados en Decembro.

A pintura que levarei a Palavea é unha obra auto-referencial, unha parte da miña historia de vida, nesta obra conecto o espazo (casa, aldea, barrio) e a vivencia persoal, a pegada na lembranza. Para min si é moi importante o espazo que habitamos e, sen dúbida, inflúe en comportamentos, relacións e hábitos que desenvolvemos dende a inconsciencia... tamén me interesa a vinculación da memoria cos espazos (paisaxes urbanos e rurais) do presente e como pode afectar a unha persoa a desaparición dun elemento que conformou a súa historia de vida.

A primeira parte da tarde consistirá neste diálogo e compartir sobre a obra e o espazo, unha interacción que seguro nos ofrecerá momentos marabillosos. A segunda parte da tarde será un obradoiro de divulgación artística no que traballaremos con pintura sobre os temas tratados, as prazas para o taller son limitadas e hai que reservar praza canto antes.

Para compartir esta tarde tan especial só tedes que anotarvos no email da Asociación Veciñal “Os nosos lares” de Palavea osnososlarespalavea@gmail.com

E lembrarvos que o proxecto consta de tres encontros de artistas, o día 13 contaremos con ALIVAVÁ e Carlota Méndez , e obradoiros para a veciñanza do barrio da man de Julia Aguiar, elchano e Sucede Arte Visual. Estade atentas á páxina https://transitandoarte.wixsite.com/transitandoarte onde relatamos toda a historia.

Con Marina naidedía

Enredoume “Marina nai de dia” para incorporar a miña forma de entender a expresión plástica  ao seu proxecto de “madre de día”. Marina González lidera dende hai anos un proxecto de nai de día en Santa Gema, en A Coruña. Unha pequena familia de peques de cero a tres anos coidados e moi queridos por Marina que os acolle ao longo do ano, coincidindo normalmente co curso escolar.    

 

Un reto e unha gran aprendizaxe levar a miña práctica a estas persoas tan pequenas como abertas ao mundo e a exploración, aprendo eu básicamente :)))
Síntome feliz con esta oportunidade que me brindou Marina, unha compañeira marabillosa e xenerosa. Momentos incribles vividos con unhas peques que teñen en Marina unha compañeira para medrar cheas de cariño. 

 

O entorno para as peques ao chegar o bo tempo é unha delicia, un pequeno xardín permitenos experimentar fóra desfrutando do aire libre. Na imaxe podedes ver o mural que pintei o pasado verán para darlle cor e máis visibilidade ao seu espazo. 

 

 

Laboratorio Creativo, presentación de obras e procesos creativos abertos

Como sabedes neste último curso, dende marzo 2020 conformamos un grupo de exploración artística, un laboratorio de creación no que compartir experiencias e camiñar creativo.  Este grupo participou cos seus traballos -en proceso- na exposición Medrando con Arte, que realizamos en Arteixo en decembro e xaneiro 2021. Nuns momentos tan grises foi incrible o esforzo e a ilusión que sacamos adiante, e agora volvemos a enchernos de ilusión para compartir con vós os últimos avances e pasos destas creadoras. 

Compartimos de novo obras e procesos creativos coas persoas asistentes, así que podes emocionarte con nós o próximo venres 25 de Xuño,  en A Tobeira. Se queres asistir escribe a polotallerdepolo@gmail.com para recibirte o mellor posible e organizar axeitadamente o número de asistentes. 

 

Foi este un grupo lab cativo e heteroxéneo, con intereses e bagaxes moi distintos. Non é necesario un coñecemento previo de plástica para participar, si é preciso ter unha actitude de apertura e exploración e marcarse uns obxectivos creativos cara os que camiñar, nós faremos posible ese camiñar. Os temas dependen das participantes, algúns son máis íntimos e densos e outras persoas prefiren quedar nun área menos profunda e poñer a enerxía no traballo plástico, nas posibilidades e melloras técnicas.

Esta experiencia de laboratorio permitiunos contactar coa nosa vulnerabilidade e, ao tempo, coa forza sorprendente que se agocha dentro de nós. Foi unha montaña rusa de aprendizaxe, exploración, frustración e sorpresa que non culmina aquí senón que continuará en cada unha das participantes; coa apertura a esta capacidade tan fermosa de transformar a vida, as feridas, o cotiá en algo novo para compartir.  

 

 

Foi un tempo duro e gris na rúa mentres nós xogábamos e soñábamos con un mundo distinto, dando pasos a medrar como persoas e como creadoras. Construíndo en Os Castros  un niño de arte, de complicidade e sororidade; un niño máxico, seguro e confortable ata na tormenta máis gris. 

Estas mulleres, Marta V., M R , Natal, P. Cristobo, Shaina  e eu -Polo- queremos pechar un ciclo o próximo 25 de Xuño para ser máis conscientes dos novos por vir, do moito que nos queda por crear e facer... 

25 de Xuño en A Tobeira, en Os Castros, no principio da rúa Merced a partir das 18;00 horas, a partir das seis da tarde expoñemos obras e falamos sobre o proceso creativo destes últimos meses. Esperámoste !

Actualizando o horario de clase!

Bo día, que vos hei contar que non saibades xa? O horario foi mudando cada semana e iremos adaptándonos ás necesidades dos grupos e aos cambios que, dende as autoridades, nos marquen
As clases estiveron e están en marcha, adaptándonos a cada protocolo, con coidado e aportando moita creatividade, arte e benestar!! Aquí seguimos!!
As clases son en pequenos grupos  (catro persoas) o que nos está permitindo mesturar intereses e unha atención súper persoal e a medida, de maneira que cada alumna-o vai explorando tecnicamente aquelo que desexa probar ou dominar. Lembrade que podedes aprender a pintar dende cero ou avanzar e explorar algún bloqueo ou dificultade que teñades pendente de resolver;  óleo, acrílico, mesturar técnicas... aprender acuarela, colaxe, debuxo... hai moitas posibilidades, eu vos guio!

O noso horario actual ven sendo o que vedes na imaxe, máis horas soltas de titorías para o grupo de laboratorio, un taller de laboratorio mensual para mulleres creativas(te apetece explorar toda esa parte creativa que hai en ti ?), un grupo de peque artistas ( de seis a dez anos) liderado por @atelierconjulia , Julia Aguiar aportando enerxía e moito amor a esas clases moi coidadas e enriquecedoras. Abrimos nova quenda os venres, calquera información que desexes con gusto te contestamos tanto eu (617293024) como Julia no tlf. 634583689
Tamén en marcha un pequeno grupo que se está achegando á fotografía e ao manexo/comprensión das redes sociais nestes “tempos tan de imaxe” – con cámara ou co teu telefono móbil-  liderando o fotógrafo Lyonell Quiroz  -temos unha praza libre esperándote, non te despistes! Cosúltanos calquera dúbida! 

A primaveira empeza e a nós píllanos facendo o que tanto nos gusta, compartir arte, aprendizaxes e tempo de calidade. Estámoste esperando!