Repetimos Ponllearte!

Este verán repetimos, con mais forza e ilusión debido ao especial escenario de crise que estamos a vivir. Ponllearte! 2020, ofrécenos a posibilidade de conectar diferentes axentes (idades, profesións, intereses) da cidade, mobilizar á veciñanza dunha maneira creativa, ofrecer roles distintos á mocidade, mostrar en positivo os produtos e servizos locais dunha maneira orixinal. Así como, chamar a atención no resto da cidade sobre o barrio de Os Castros. Un equipo creador de moz@s elaborará un fanzine (revista autoeditada), compartindo con maiores que nos falen sobre as súas vivencias na corentena e como ven o futuro e traballarán tamén en complicidade cos negocios locais recibindo aportes para as súas ilustracións e debuxos, dando vida entre tod@s a unha creación orixinal que nos fale do barrio e dos seus retos para o futuro.

Aproveita esta oportunidade de formación, expresión e creación en grupo mentres vives unha experiencia no barrio e exploras-coñeces a sociedade que te rodea.

DATOS DO TALLER- equipo creador

-*Proceso de creación en grupo e elaboración dun fanzine (revista auto-editada) sobre o barrio deseñando e creando cada participante unha ilustración ou creación gráfica/literaria.

-mocidade a partir de 10 anos

-Inicio LUNS 27 DE XULLO finaliza aproximadamente o 14 AGOSTO

30 horas de taller, 9 horas semanais durante tres semanas mais horas soltas a cuarta semana.

De 11,00 a 14,00 horas

material incluído

PREZO: 60 EUROS/ PARTICIPANTE ZOCAMIÑOCA OFRECE UNHA BOLSA INTEGRA

Formaremos dous equipos en grupos reducidos e adicaremos unha xornada semanal a coñecer e investigar no exterior, no barrio.

EQUIPO 1 – LUNS , MÉRCORES E XOVES DE 11,00 a 14,00 horas

EQUIPO 2 – MARTES, MÉRCORES E VENRES DE 11,00 a 14,00 horas*

* calendario aproximado, podemos adaptarnos as túas variables.

--EQUIPO 1- DÍAS 27, 29 e 30 de xullo + 3,5,6,10,12 e 13 AGOSTO

--EQUIPO 2- DÍAS 28, 29 e 31 de xullo + 4,5,7,11, 12 e 14 AGOSTO

mais un par de días de colaboración na edición e remate do fanzine, probablemente os días 18 e 19 de AGOSTO.

Tamén desfrutaremos da presentación do fanzine e do proxecto nunha celebración con tódolas persoas implicadas un día por concretar aínda, finais de agosto ou principios de setembro. E unha oportunidade para quen queira expresarse en publico e poñer en valor o traballo feito.

O obradoiro consistirá en compartir en grupo un proceso creativo reflexivo, no que individualmente nos comprometemos a aportar unha ilustración ou creación a un fanzine que nos falará sobre o barrio e o seu futuro. Este fanzine será a suma da nosa creatividade máis os aportes que os seus habitantes nos trasladen en visitas e diferentes sorpresas cada semana. Estes equipos de creación estarán acompañados por Polo (artista e mestra, tallerdepolo taller de arte) Son (Terapeuta Ocupacional e creativa, @Ocupacións significativas) e Carlota (fotógrafa e creativa, @CarlotaMéndezfotografía). Probaremos diferentes técnicas, debuxaremos, escribiremos, e dialogaremos reflexionando sobre o que vaiamos descubrindo. Faremos que a nosa creatividade aporte ao desenvolvemento do barrio, autoeditaremos un fanzine e participaremos (na medida que nos queiramos implicar) nos diferentes niveles do proxecto.

Obxectivos cara á mocidade participante:

-dar estímulo, autonomia e formación as participantes

-descubrir e dar forma á nosa creatividade

-investigar e pensar a través das artes e a creación

-vincularse ao barrio e o comercio local a través dunha mirada creativa

-relacionarse de maneira positiva co grupo e coa contorna

-acoller a diversidade tanto no equipo creador como na contorna

-coñecer e reflexionar sobre un/unha mesmo e a sociedade

talleres de veran

Este verán, repetimos aventura veranearte, ofrecéndovos talleres soltos -máximo cinco nenos- e en formato de hora e media. Separando os espazos de creación de cada peque, contando cada unha/un co seu material para usar.

Días soltos 15 euros/cada participante, se fas os tres días: 40 euros/participante. Para peques de menos de dez anos, consultanos calquera dubida dobre os talleres.

Pintura, expresión e un pouco de historia da arte da man de mulleres pintoras:

-7 Xullo de 11,00 a 12,30 horas “Viva la vida” a partir de bodegóns de Frida Kahlo proporemos unha explosión de cor e froita!

--14 Xullo de 11,00 a 12,30 horas “Yayoi Kusama world” representaremos con cartón obxectos cotiás á maneira de Y. Kusama, un mundo de puntos!

---21 Xullo de 11,00 a 12,30 horas “Pintura e movemento”a partir da obra de Judith Godwin e Martha Graham exploraremos o movemento e a pintura, o noso corpo como inspiración e expresión!

O mes de Xullo sigue en marcha a clase dos sábados, un grupo reducido de mozas e mozos a partir de dez anos de idade. Exploran a través do debuxo e a pintura os seus intereses, é un espazo formativo e creativo onde poder expresarse con liberdade.

Queda algunha praza agardando por ti! Grupo dos sábados, de 11:30 horas a 13:30 horas, prezo 43 euros/mes.

E a partir de 10 anos de idade recomendámosche o #ponllearte unha experiencia que te vai a encantar! Formación, exploración, conversas e creación. Trinta horas aproximadas de taller que pasan voando!! Compartir con xente moza durante tres semanas paseos, entrevistas, debuxar e explorar materiais, coñecer o barrio e a diversidade dos seus habitantes... comprometéndonos a crear entre todas as persoas participantes un fanzine para o barrio!!

Sobre Ponllearte:

Iniciamos en 2019 unha experiencia piloto do proxecto Ponllearte, unha proposta de conexión entre a mocidade e os diferentes habitantes do barrio tendo como vehículo articulador as artes plásticas. Esa mestura de barrio, creación e mocidade son parte dos ingredientes para xerar un tempo de verán diferente e enriquecedor, dende a aposta polo estímulo, optimismo e formación cara a afrontar o futuro.

Este ano, debido ao escenario creado a raíz da corentena sanitaria, ampliamos este proxecto e o poñemos en relación con máis habitantes do barrio. De maneira que estamos implicando a comerciantes da cidade para que nos apoien e colaboren na formación da mocidade a través das artes mentres facemos barrio. O seu aporte axúdanos a financiar o proxecto, podendo asi ofrecer á rapazada unhas trinta horas de obradoiro intenso e rico en vivencias.

DATOS DO TALLER

-*Proceso de creación en grupo e elaboración dun fanzine (revista auto-editada) sobre o barrio deseñando e creando cada participante unha ilustración ou creación gráfica/literaria.

-mocidade a partir de 10 anos

-Inicio LUNS 27 DE XULLO finaliza aproximadamente o 14 AGOSTO

30 horas de taller, 9 horas semanais durante tres semanas mais horas soltas a cuarta semana.

De 11,00 a 14,00 horas

material incluído

PREZO: 60 EUROS/ PARTICIPANTE

Formaremos dous equipos en grupos reducidos e adicaremos unha xornada semanal a coñecer e investigar no exterior, no barrio.

EQUIPO 1 – LUNS , MÉRCORES E XOVES DE 11,00 a 14,00 horas

EQUIPO 2 – MARTES, MÉRCORES E VENRES DE 11,00 a 14,00 horas*

* calendario aproximado, podemos adaptarnos as túas variables.

EQUIPO 1- DÍAS 27, 29 e 30 de xullo + 3,5,6,10,12 e 13 AGOSTO

EQUIPO 2- DÍAS 28, 29 e 31 de xullo + 4,5,7,11, 12 e 14 AGOSTO

mais un par de días de colaboración na edición e remate do fanzine, probablemente os días 18 e 19 de AGOSTO.

Tamén desfrutaremos da presentación do fanzine e do proxecto nunha celebración con tódolos participantes un día por concretar aínda, finais de agosto ou principios de setembro.

O obradoiro consistirá en compartir un proceso creativo complexo, no que individualmente nos comprometemos a aportar unha ilustración ou creación para un fanzine que nos falará sobre o barrio e o seu futuro. Este fanzine será a suma da nosa creatividade máis os aportes que os seus habitantes nos trasladarán en visitas e diferentes sorpresas cada semana. Estes equipos

de creación estarán acompañados por Polo (artista e mestra, tallerdepolo taller de arte) Son (Terapeuta Ocupacional e creativa, Ocupacións significativas) e Carlota (fotógrafa e creativa, Carlota Méndez fotografía) e xunto coas persoas participantes probaremos diferentes técnicas, debuxaremos, escribiremos, e dialogaremos reflexionando sobre o que vaiamos descubrindo.

Obxectivos cara á mocidade participante:

-dar estímulo e formación as participantes

-descubrir e dar forma á nosa creatividade

-investigar e pensar a través das artes e a creación

-vincularse ao barrio e o comercio local a través dunha mirada creativa

-relacionarse de maneira positiva co grupo e coa contorna

-acoller a diversidade tanto no equipo creador como na contorna

-coñecer e reflexionar sobre un/unha mesmo e a sociedade

Podes atopar imaxes e información de parte do vivido o pasado verán en ponllearte.blogspot.com

https://ponllearte.blogspot.com/

E podes seguir todos os pasos en Facebook e Instagram @ponllearte e nas etiquetas #ponllearte ou #ponlleartefriends #ponlleartemecenas

Un saúdo forte e os mellores desexos para este verán!

proceso creativo de barrio, a pílula roxa

Algunhas de vós xa coñecestes o Ponllearte 2019, foi unha experiencia marabillosa. Este ano queremos repetir experiencia porque pensamos, tanto Son Mosteiro (Ocupacións significativas) coma min, que é perfecto para o momento actual; para aportar dende a creatividade e as artes, rexenerando o tecido comercial do barrio, poñendo en relación, de maneira positiva, veciñanza de distintas idades e diversidades, expresando e reflexionando sobre o acontecido e o que esta por vir.

Queremos ofrecervos para este verán: Ponllearte! 2020; un espazo de reflexión, sanación e, sobre todo, para dar visibilidade ao tecido de negocios locais que enriquecen o día a día do barrio. Facelo a través da arte e a creatividade poñendo en contacto a un grupo de mozas e mozos con este tecido comercial, con persoas maiores e veciñanza en xeral. Colabora e participa para levar adiante esta conexión ilusionante!

Un equipo de mozas e mozos sacará adiante un fanzine -que exprese o barrio, o momento actual e como encarar o futuro, isto en conexión con diferentes axentes da cidade. Participa con nós neste proceso creativo, facendo comunidade, tecendo rede e soñando futuros dende Os Castros.

A mocidade non só é o futuro, é o presente, temos a responsabilidade de ofrecerlle alimento saudable, de xerar estimulo e ilusión para que sigan medrando e soñando dende a exploración e coñecemento da realidade que nos toca vivir.

Espalla esta mensaxe, axúdanos difundindo o proxecto nas túas redes e ilo construíndo amodo e sólido; un aporte para facer barrio entre todas!

Se tes unha idea, queres colaborar ou participar escribe a ponllearte@gmail.com

Esperámoste! Séguenos en: 

Ponllerarte.blogspot.com

@ponllearte  instagram e Facebook

#ponllearte

Imaxes da edición piloto 2019, na que contamos coa colaboración de Bichocleta, Tienda Mab e By Carmina de Os Castros e cun pequeno gran grupo de artistas, súper motivadxs e con moitas ganas de traballar e crear. Aventura chea de maxia, intensidade e aprendizaxes. 

Tamén agradecer o aporte da nosa fotografa favorita Carlota Ramudo Mendez fotografía.

tps://www.facebook.com/ocupacions.significativas/

https://es-es.facebook.com/somososcastros/

http://www.tiendamab.com/

https://www.facebook.com/Bichocleta/

https://es-es.facebook.com/carlota.mendez.353

Este verán será un tempo de acción

A incerteza conéctanos a todas/os estes días, recuperar as actividades cotiás será cousa de tempo e tamén de enerxía pois todxs quedamos afectadas dalgunha maneira e por suposto, emocionalmente. Pero todxs temos tamén experiencia en cambios e en emocións fortes e sabemos que pasar á acción e tomar o control é sanador. As artes conectan acción, pensamento, corpo, emoción e por suposto, curación.

Este verán será un tempo de acción: recuperar e prepararse para un mundo cambiante porque queda moito por vivir e moitos retos e aventuras. No tallerdepolo ofrecerémosche as clases habituais de pintura e, a maiores, estas pílulas estimulantes.

Nas Encrobas

Un orgullo comezar o outono presentando o fanzine “aS eNCRoBaS” con poesía, música, memorias e lembranzas do pasado, arenga de loita por un futuro de aire-auga-terra limpas, na compaña de moitas persoas sensibles e loitadoras na III Marcha pola Memoria en As Encrobas. Unha xornada Emotiva sen dúbida; coa enerxía da choiva que nos leva á Galicia mais profunda, a que moitas levamos na memoria rural. Gran esforzo e traballo realizado pola organización da Marcha neste evento que combina cultura, arte, diversión, reivindicación e loita. Todo isto feito con moitas ganas e gran honestidade xerando un dia cheo de vida e enerxía dende a unión da historia pasada coa loita polo futuro sostible. Agradecer á organización o convite , agradecer a Laura Rey Pasandin que me amadriña con moita tenrura e a todas as persoas asistentes tan boa vontade, humor e tanta arte.

 

https://www.sermosgaliza.gal/articulo/social/iii-marcha-pola-memoria-das-encrobas-xunta-mais-200-persoas/20191002115019084630.html

https://www.facebook.com/events/1139196256272604/

 

  "Participamos 16 persoas na elaboración do fanzine e contando coa poesía de Laura RP, traballando de maneira non intensiva (combinada con outros exercicios e experiencias) ao longo de cinco meses aprox.

Partimos de material documental como:

--- A ceo aberto, o documental de Xosé Bocixa que visionamos en tandas de 10 minutos por dia.

----As imaxes do fotoxornalista Xose Castro

----O blog de Maria das Encrobas

----Asunción de ti, libro familiar de Xosé Luis Linares Barbeito e Mercedes López Otero

-----Poesías de Emma Pereira (As comadres´Nghrobas) e de Laura RP

---- E tamén vimos o vídeo promovido pola Industria mineira para divulgar nos colexios públicos galegos.

O proceso creativo vai partir da información que imos recibindo e absorbendo de a poucos, do diálogo e reflexión sobre o que nos vai chegando, das emocións coas que conectemos e identifiquemos para podelas compartir durante o proceso e, tamén poder usalas para crear.

Coas persoas maiores análise do documental e análise do resto de material para identificar con que aspectos temos maior empatía ou puntos de interese. Para elixir así o tema da nosa ilustración e pasar ao concreto.

Para min foi un traballo complexo, moi intenso e cheo de ilusión. Ás veces, duro fronte á incerteza do proceso creativo e as diferencias xeracionais que constatan o descoñecemento e distancia da mocidade participante co rural galego, coa lingua e coa historia próxima. Pero a potencia desta ferramenta (as artes) para traballar temas complexos fíxose evidente e clara.

A creación deste fanzine ten varios puntos de acción:

----o traballo de concienciación e análise coas persoas participantes dende unha actividade creativa.

----ese vinculo entre a aprendizaxe de técnicas gráfico-plásticas e pensamento ofrecendo un lecer/ unha actividade enmarcada na educación non formal de calidade- enriquecedora.

---- a xeración de contidos gráficos para usar nas loitas contra o extractivismo e outras loitas.

-----a xeración dunha obra que se move de man en man e conta a través de imaxes e dende idades e persoas distintas a loita das Encrobas: facendo posible unha conexión (a través da arte plástica e poesía) con calquera persoa do mundo. E con outras loitas planetarias similares.

-----un proceso creativo exportable e recomendable para educadorxs, activistas e grupos de persoas inquietas.

Hai moito traballo por facer se queremos outro mundo posible, empezando por sonhar que queremos realmente. De eses sonhos sairán os caminhos e pasinhos para ir amodo. Mirando cara adiante a longo prazo nunha loita sen fin e sen fronteiras, que continuar’a con esta mocidade e a sua descendencia... o futuro somos nós e o que imos facendo día a día."

                                                                                                                          Fotografia de Yoshimura Eye