OBRADOIRO DE DIARIO VISUAL EN NOCTURNIA

 Atención! Este luns 11 de maio ábrese prazo para a inscrición nos obradoiros de Nocturnia. 

Vémonos o venres no Ágora con distintas e interesantes propostas que nos axuden a representar o cotiá da forma máis creativa.  

Dibubreiro 2026 con sorteo!

O Dibubreiro é un reto de debuxo que fixemos o pasado 2025 e, visto o éxito, repetimos este 2026. Como o reto de debuxo máis coñecido (xa sabes cal) coincide nun mes de moito lío porque é o comezo do curso, inventamos este: dibu ( de dibujo) + breiro ( de febreiro).

É un reto para practicar debuxo de maneira libre e lúdica, así como xerar comunidade e ilusión ao redor das ideas e as liñas. Se propón como unha actividade moi libre polo que tamén o podes levar ao colaxe, á fotografía ou a mestura de todo; eu recoméndoche empregar as mans, tocar papel e volver ao lapis e técnicas sinxelas.

Contarvos que o reto está deseñado polos rapaces e rapazas do mércores que elixiron o tema, a partir do cal foron xuntando palabras; realizaron unha selección e fixeron un sorteo para adxudicar número de día e palabra. Hai moita ilusión e risas postas no Dibubreiro.

Como podes participar? Pois dende casa facendo cada día o teu debuxo do listado do Debubreiro, anímate!.

O alumnado do tallerdepolo irá compartindo no taller, no grupo de wasap ou en rrss os seus debuxos diarios.

 

 

Comparte o reto e anima ao teu entorno a explorar a súa creatividade!

Se non eres alumno do tallerdepolo podes compartir con nós os teus aportes a través do Instagram etiquetando a @polo_tallerdepolo para compartir en stories e así ver entre todxs as nosas diferentes formas de mirar ;)

E, podes participar a través desta red social no sorteo dun Vale de clases. Para iso hai que facer os 28 debuxos e compartirmos no teu perfil ou por stories, a totalidade antes do 6 de marzo. Escribe por privado para que eu poida estar atenta á túa participación.

Unha vez recollida/comprobada a vosa participación entraredes no sorteo do Vale de clases canxeable por 1 mes de clase en grupo ( 2 horas á semana) ou unha mentoría individual de 1 hora ou, se non podes vir ao taller, podes cambialo por unha pintura acrílica orixinal de valor similar-.

A verdade é que é divertido ir compartindo liñas e formas xunt@s, cada persoa ao seu ritmo, unhas veces hai máis tempo para adicarlle outras veces simplificamos a idea. Verás como debuxar cada día uns minutos vai xerando unha resposta na tua imaxinación que se activa e se volve máis rápida e enxeñosa.

1. Quenlla	8. Porto	15. Corais	22. Turistear
2. Onda	9. Balea	16. Raia	23. Chalana
3. Mariscadora	10. Naufraxio	17. Nemo	24. Azul
4. Robaliza	11. Pirata	18. Navegar	25. Contaminación
5. Florinda (avoa redeira)	12. Algas	19. Polbo	26. Prestige
6. Aboiar	13. Surfista	20. Profundidade	27. Faro
7. Serea	14. Sardiña	21. Mergullar	28. Centola

Tiburón- Ola- Mariscadora- Lubina- Florinda (abuela redeira)- Flotar – Sirena- Puerto – Ballena – Naufragio- Pirata- Algas- Surfista- Sardina- Corales- Manta raya -Nemo- Navegar- Pulpo- Profundidad- Bucear-Turistear- Bote- Azul- Contaminación- Prestige- Faro- Centollo.

Volvemos a clase!

Despois deste tempo festivo de Nadal volvemos todos os grupos a clase: mércores de mañá e tarde, xoves pola tarde e venres peque artistas con Julia Aguiar. 

E o laboratorio creativo volve este sábado 10 de xaneiro, temos unha praza libre. Se queres unirte escribeme canto antes! 

 

 

 

 

Consulta horarios se queres empezar en algún dos grupos en marcha, lembra que tamén te ofrecemos asesoramento personalizado en mentorías individuais. 

 

Empeza este novo ciclo 2026 pintando!  

 

EMPEZAMOS O CURSO!

 ATENCIÓN!

 

empezamos novo curso o mércores 17 de setembro

 

Grupo de 11:00 a 13:00 

Grupo de cinco a sete

 

E tamén o xoves: de catro a seis e de seis a oito. 

 

O grupo infantil comeza en outubro.

O laboratorio creativo para mulleres comeza en outubro pero xa estamos facendo as titorías individuais para ir situandonos no camiño. 

Reserva a túa praza ou infórmate en polotallerdepolo@gmail.com 

Actualizando o horario de clase!

Bo día, que vos hei contar que non saibades xa? O horario foi mudando cada semana e iremos adaptándonos ás necesidades dos grupos e aos cambios que, dende as autoridades, nos marquen
As clases estiveron e están en marcha, adaptándonos a cada protocolo, con coidado e aportando moita creatividade, arte e benestar!! Aquí seguimos!!
As clases son en pequenos grupos  (catro persoas) o que nos está permitindo mesturar intereses e unha atención súper persoal e a medida, de maneira que cada alumna-o vai explorando tecnicamente aquelo que desexa probar ou dominar. Lembrade que podedes aprender a pintar dende cero ou avanzar e explorar algún bloqueo ou dificultade que teñades pendente de resolver;  óleo, acrílico, mesturar técnicas... aprender acuarela, colaxe, debuxo... hai moitas posibilidades, eu vos guio!

O noso horario actual ven sendo o que vedes na imaxe, máis horas soltas de titorías para o grupo de laboratorio, un taller de laboratorio mensual para mulleres creativas(te apetece explorar toda esa parte creativa que hai en ti ?), un grupo de peque artistas ( de seis a dez anos) liderado por @atelierconjulia , Julia Aguiar aportando enerxía e moito amor a esas clases moi coidadas e enriquecedoras. Abrimos nova quenda os venres, calquera información que desexes con gusto te contestamos tanto eu (617293024) como Julia no tlf. 634583689
Tamén en marcha un pequeno grupo que se está achegando á fotografía e ao manexo/comprensión das redes sociais nestes “tempos tan de imaxe” – con cámara ou co teu telefono móbil-  liderando o fotógrafo Lyonell Quiroz  -temos unha praza libre esperándote, non te despistes! Cosúltanos calquera dúbida! 

A primaveira empeza e a nós píllanos facendo o que tanto nos gusta, compartir arte, aprendizaxes e tempo de calidade. Estámoste esperando! 

 

 

 

 

Comezo do novo curso 2019-20

Empezamos un novo curso con obradoiros para persoas adultas onde achegarse por vez primeira á pintura ou mellorar a túa técnica de óleo, acrílico ou explorar a túa creatividade a través do debuxo, colaxe, acuarela.

E para os peques hai unha proposta de obradoiro os venres pola tarde, podes informarte escribindo a polotallerdepolo@gmail.com ou no tlf. 617 293 024 . Este curso traballaremos o debuxo da natureza, achegarémonos á Bauhaus e levaremos as súas propostas á nosa contorna; a BauhausdosCastros... e moito mais!!

Sempre traballando sobre os fundamentos das artes plásticas, coñecendo e explorando diferentes técnicas, ampliando e entendendo a cultura visual na que estamos inmersas e facéndoo en grupo, tratando de entendernos e respectarnos o mellor posible. 

 

En marzo novo grupo de acuarela!

Tes toda a info na pestana próximos talleres

 

Todo é empezar

En calquera momento ao longo do curso podes incorporarte a un dos grupos de técnicas de pintura para aprender a pintar dende cero ou, se tes coñecementos previos, podes buscar novos camiños e novas aprendizaxes técnicas. Incorporarte vai resultar mais fácil do que pensas e, pouco a pouco sentirás os beneficios de adicar un tempo a unha actividade creativa así como, compartila con outras persoas. A creatividade está dentro de nós, só precisamos un pouco de confianza e un espazo axeitado para deixala aflorar: todo é empezar.

 

 

A maiores de pintar compartimos tempos de charla, de celebracións, visitas a museos e outras actividades que nos unen e reforzan as aprendizaxes. Esperámoste! 

pintura en boa compañía

Compártovos algúns dos últimos traballos das clases de técnicas de pintura, onde o alumnado se vai achegando á pintura con distintos ritmos, segundo os seus obxectivos. Algunhas persoas empezan de cero, outras son autodidactas; prefiren pintar ao seu xeito e só queren asesoramento de cando en vez... e outras queren compartir o seu tempo nun espazo creativo, compartindo afección e bos momentos.

 

Pintar pode ser moi gratificante como afección; aprendes ao teu ritmo e sen presións, compartindo cada avance co grupo de clase e sentindo gran satisfacción ao rematar un traballo longo e pleno. E, o mellor é que nos vai introducindo no marabilloso mundo das artes, un mundo que nos pode ampliar a mirada e a mente. Anímate porque pode ser o que estabas a buscar ;)

Pam pinta seus cans ao óleo, empezando. 

 Pepita pinta un cadro ao óleo para un agasallar

 Pily pinta un óleo dun lugar que coñece moi ben, do seu pobo.

 

 Mari Carmen regala un cadro a cada neta

  Maribel adoita pintar en acrílico

África se esta iniciando en todo este mundo da pintura

A Loly gústalle moito pintar fiestras e portas

 

 óleo de Maite, sempre soñando

 

Manolo avanza no seu óleo

                              Natalia avanza nun agasallo especial, óleo.

 Victoria remata o seu deseño de paraugas.

hai diferentes maneiras de achegarse á pintura, só tes que probar

Hai moitas razóns para empezar a pintar; dende unha ansia de expresar, de explorar esa creatividade que levamos todas as persoas dentro, facer coas mans, coñecer e relacionarnos con outras persoas mentres probamos unha nova actividade ou, tamén hai persoas ás que sempre lles gustou o debuxo e a pintura e, por voltas da vida (todxs sabemos desas voltas) adicáronse a outra profesión ou á súa familia... e agora teñen un tempo(que é un tesouro) pra adicarlle aos soños. 

Hai diferentes maneiras de achegarse á pintura porque temos obxectivos distintos, anhelos propios que -as veces- nin a nós mesmas nos confesamos. Segundo sexan as nosas motivacións e os nosos ritmos, podemos ir aprendendo dun xeito ou doutro... ir probando. 

 

Cadro ao óleo rematado!este bosque de bambú en Japón é un lugar ao que soña viaxar,  e Maite empeza por pintalo ;)  

 

xa estamos en marcha!

Empezado e inaugurado un novo curso, con moitas forzas e enerxías postas nesta nova aventura. Podedes seguir os nosos pasos neste blog e nas redes sociais, achegarvos ao espazo e chatear con nós  en modo non-virtual, con café ou sen cafeína ;)  en Os Castros vos esperamos :)))
https://www.facebook.com/Polo_Tallerdepolo
https://www.instagram.com/polo_tallerdepolo/

 Grupos de óleo e acrílico empezando amodinho ... de luns a xoves

 

 O mellor día da semana en marcha! Os venres tenho grandes mestres, moito que aprender ;) 

Os sábados cheos de creatividade e traballo duro!  ;)

Esperámosvos !!