Amosando publicacións coa etiqueta colaxe. Amosar todas as publicacións
Amosando publicacións coa etiqueta colaxe. Amosar todas as publicacións

venres, 28 de agosto de 2026

Atención ao novo curso 2026-2027!

 Queridos artistas do tallerdepolo volvemos a coller o pincel e o lápis a partir do 15 de setembro, estás preparadx?

Esta é a proposta de horarios para o vindeiro curso, necesitamos acadar un mínimo de participantes para facelas efectivas pero algúns dos grupos xa están case cheos, ollo. 

 Escribe ou chama ao 617 293 024 ou no email polotallerdepolo@gmail.com para reservar a túa praza. 


MARTES

de 17:00 a 18;30 horas temos DEBUXO MANGA para nenxs de oito a doce anos de idade.  Con Patricia Saavedra ambos grupos do Martes. 

MARTES 

de sete da tarde a nove MODELANDO IDEAS con arxila de secado ao aire, adultos.

 MÉRCORES

de 11:00 a 13:00 horas Pintura e Debuxo para adultos: acuarela, debuxo, colaxe, acrílico, óleo,... grupos reducidos e atención moi persoal. Con Polo como profe.  

 MÉRCORES

de 17:00 a 19:00 horas propoño unha viaxe polo debuxo e todo o que nos ofrece a súa práctica + QUE UN CURSO DE DEBUXO, unha viaxe polo debuxo máis clásico, o debuxo como posibilidade narrativa e disruptiva. Este curso inclúe a materialización das aprendizaxes mediante a Fanzinería, un espazo para concretar o aprendido e compartilo co resto do mundo mundial. 

de 19:00 a 20:00 horas Fanzinería! un pequeno espazo para acompañar e facilitar a creación individual ou en grupo de fanzines. Incluída no curso de debuxo +QUE UN CURSO DE DEBUXO, podes vir só á fanzinería (1 hora á semana =40€/mes) .  

XOVES 

 de 16:00 a 18:00 horas  Pintura e Debuxo para adultos: acuarela, debuxo, colaxe, acrílico, óleo,... grupos reducidos e atención moi persoal. Con Polo como profe.

 de 18:00 a 20:00 horas Pintura e Debuxo para adultos: acuarela, debuxo, colaxe, acrílico, óleo,... grupos reducidos e atención moi persoal. Con Polo como profe.

 VENRES 

 de cinco a seis e media Peque Artistas con Julia Aguiar, a partir de cinco anos de idade. 

SÁBADO 

Laboratoria, un espazo de creación só para mulleres. Unha vez ao mes atopámonos de maneira presencial para compartir os nosos procesos de creación. Inclúe mentoría mensual individual. De outubro a xuño. En setembro empezamos a vernos e imos deseñando a ruta . 

 

 Vémonos no tallerdepolo para compartir xuntxs o que nos gusta: as artes, a cultura, a convivencia en paz e a ilusión por unha vida chea de beleza. Vémonos pronto!

 

 

 

 

sábado, 23 de maio de 2026

MOSTRA DE LABORATORIA 2026

O sábado 13 de xuño, ás sete da tarde, inauguramos a última exposición de Laboratoria; un grupo de creadoras que compartimos procesos de creación individuais e colectivos acompañándonos unhas as outras mentres xeramos un espazo seguro e libre. Aberta ata o día 27 de Xuño. 

 


 Obras e procesos de creación de Barbeito, Lore, Polo, Roma Pernas, Salicornia, Sira Lorenzo, Vann e Violeta González Otero. 





A sala de exposicións Estudio de María José Barbeito acolle esta mostra de arte multidisciplinar con obra fotográfica, pictórica, performativa e conceptual. A recoñecida artista Barbeito participa tamén con obra propia abrindo o seu taller coa intención de dinamizar a vida cultural da vila de Betanzos na que comparte a súa mestría co pincel ofrecendo clases a persoas de todas as idades.

  

 

 

 


 

A Mostra Laboratoria recolle obras realizadas no último ano e que teñen en común a revisión de estereotipos e construcións ligadas ao xénero, tamén nos ofrece información acerca dos procesos de creación das participantes; Lore, Roma Pernas, Salicornia, Sira Lorenzo, Vann e Violeta Gonzalez Otero.


Na mostra abórdanse temas de actualidade como as relacións de coidados na medicina actual, os medos e baleiros que xera a sociedade que transitamos ou a defensa da natureza. A exposición permanecerá aberta durante o mes de xuño e, poden solicitarse visitas guiadas poñéndose en contacto co Estudio de MJ Barbeito ou a través do tallerdepolo. 

 

 

venres, 27 de febreiro de 2026

MOSAICO DA MEMORIA no Concello de Miño

Con motivo da conmemoración do 8 de marzo do 2026 o Concello de Miño apostou polo Mosaico da Memoria unha actividade artística participativa que pon en valor a historia das nosas mulleres referentes: avoas, nais, tías, mestras, amigas,... 

 


 Fotografíás de @edgardorosalesphotos

 

 Realizáronse un par de encontros e deixo por aquí algunhas fotografías do acontecido. 

Gracias a Catalina, Concelleira de Cultura pola confianza depositada na arte e nas artistas locais.  

 Os obradoiros levaronse adiante o venres seis de marzo no Centro Social de Callobre e no Centro Social de Ponte do Porco poñendo especial énfase en dar voz e visibilidade á muller labrega e á muller do rural. Con esta actividade que implica á veciñanza das parroquias e do concello compartimos a historia das nosas nais, avoas e tantas mulleres invisibles. 

O 8 de marzo fixemos exposición do Mosaico no Centro Social da Rúa, compartimos experiencia e dimos voz ás nosas mulleres referentes. 

No evento estiveron o alcalde do Concello e a Concelleira de Cultura así como as persoas participantes dos talleres e veciñanza. 



 


 



venres, 20 de febreiro de 2026

OBRADOIRO DE COLAXE SOBRE ROSALÍA DE CASTRO

Con motivo do Día de Rosalía de Castro realizarei un taller de colaxe no que traballaremos ao redor da figura desta marabillosa poeta galega. Será da man do Concello de Miño, no Centro Social da Rúa, onde espero atoparnos o vindeiro luns 23 de febreiro. 

O taller é de balde e só tes que facer a inscrición previamente para que eu teña todo preparado da maneira máis xeitosa e fagamos os mellores colaxes sobre esta figura tan respetada. No cartel tes a información para anotarte, veña que estás a tempo. 

Vémonos en Miño! 

 

 

 

 


martes, 21 de outubro de 2025

PEQUENAS HISTORIAS EN RECORTES unha viaxe con Carmen Martín Gaite

Este xoves 23 de Outubro estarei na Biblioteca Municipal do Forum Metropolitano realizando este taller para público infantil 

( de oito a catorce anos). 

Se non coñeces os colaxes que realizou Carmen M. Gaite durante a súa estancia en New York recoméndoche solicitar en préstamo o libro na Biblioteca. 

Este consiste nunha estupenda recopilación das súas impresions diarias nas que mestura colaxe e textos. O libro titulase Visión de Nueva York.

Lembroche que este taller é unha actividade gratuíta previa inscrición en www.coruna.gal/bibliotecas

Como sempre será un taller divertido e reflexivo! 

 

 


venres, 5 de setembro de 2025

EMPEZAMOS O CURSO!

 ATENCIÓN!

 

empezamos novo curso o mércores 17 de setembro

 

Grupo de 11:00 a 13:00 

Grupo de cinco a sete

 

E tamén o xoves: de catro a seis e de seis a oito. 

 



O grupo infantil comeza en outubro.

O laboratorio creativo para mulleres comeza en outubro pero xa estamos facendo as titorías individuais para ir situandonos no camiño. 

Reserva a túa praza ou infórmate en polotallerdepolo@gmail.com 





mércores, 25 de xuño de 2025

XULLO

 Atención! 

Do 29 de xuño ao 8 de Xullo non hai clases de adultos, xa que fago un pequeno descanso :)


Os peque artistas con Julia están os martes pola mañá e grupo de adultos, a partir de 10 anos, os mércores 9-16-23 e 30 de xullo. 

E os martes 15 e 22 de xullo podes vir a facer colaxe ;) 


Escribe a polotallerdepolo@gmail.com e reserva a túa praza para colaxear!

 




luns, 23 de xuño de 2025

COLAXE DE VERÁN

Este verán imos achegarnos á creación mediante o colaxe. Atentxs ao mes de xullo porque os martes 15 e 22 abrimos o tallerdepolo para cortar e pegar.


Que che gustaría expresar? Ou, só queres probar e facer un colaxe fermosísimo?

Pois esta é a túa oportunidade de pasar unha ou varias tardes divertidas e cheas de creatividade. Analizaremos a linguaxe formal de artistas clásicas e contemporáneas que empregan o collage e, descubrir así, a amplitude e versatilidade desta técnica. Pero sobre todo, xogaremos con imaxes propias e alleas, texturas, ideas e emocións para construír e crear outras novas, desfrutando do proceso.

Non precisas experiencia previa, só deixarte levar polas tesoiras e deixar o tempo voar. 

 

Onde? No tallerdepolo ( Monte das Moas 17-baixo, Os Castros)

Cando? Os martes 15 e 22 de xullo, de cinco a sete.

Prezo: Dúas sesións 50 euros, unha sesión 30 euros. 

Materiais incluídos. O alumnado do tallerdepolo matriculado no curso 2025-26 ten un vale gratuíto para unha das sesións.

Dirixido a persoas maiores de 10 anos

 

 


luns, 5 de maio de 2025

OBRADOIRO DE COLAXE NA BIBLIOTECA

 



Aínda queda algunha praza para o obradoiro deste mércores na Biblioteca do Forum. O link para anotarte!

https://www.coruna.gal/bibliotecas/es/actividades/plantillas/actividades-en-las-bibliotecas/detalle-evento/obradoiro-descubrindo-a-moda-a-traves-da-pintura/suceso/1453890393726

 

Antes da invención da fotografía as pintoras e pintores foron relatores do seu tempo deixándonos valiosa información acerca da moda e costumes propias da súa época.

Neste taller imos combinar a Historia da Arte coa creación contemporánea a través do colaxe, ofrecendo unha perspectiva crítica e creativa sobre a moda de outros tempos. 

O colaxe consiste en crear unha nova representación a partir da apropiación e mestura de imaxes xa existentes. Nós imos empregar como punto de partida para o noso colaxe varias pinturas que nos mostran a moda do seu momento e deixan constancia da súa importancia como expresión de poder, status e gusto persoal.

Apropiarémonos sobre todo de pinturas presentes no Museo do Prado ( aínda que tamén doutros museos) e, a partir de estas, realizaremos obras que reflictan os nosos descubrimentos sobre a vestimenta e costumes de séculos pasados.

 

 

 

luns, 10 de xullo de 2023

Creando un Mosaico da memoria das mulleres que nos preceden

Queremos convidarte a que formes parte do proceso de creación dunha paisaxe que recolle a parte feminina do noso pasado, re-visitando ás nosas mulleres referentes; avoas, nais, tías, amigas,...  unha oportunidade para conectar e entender ás mulleres que nos precederon. O pasado aínda nos constrúe? 

Se estaś interesada en participar escribe a laboratoriocreativopolo@gmail.com para saber as necesidades da actividade e organizarnos o mellor posible, esta é unha actividade gratuíta para mulleres, dentro dun proceso de creación e investigación sobre os coidados. 

Benvidas!


Luns 17 de Xullo
de 17:00 a 20:00 horas
Faro de Oza





venres, 2 de decembro de 2022

Talleres de Colaxe

 

Temos talleres para todas as idades nas proximas semanas e así ofrecervos un espazo para desenvolver toda a vosa creatividade . Como os talleres de colaxe, son tres talleres independentes empezando o día 7 pola tarde, entre festivos , unha oportunidade para refrescar a mente, divertirse de maneira tranquila e reflexiva. Para maiores de 12 anos.

E lembrarvos que para os máis cativos da familia, a partir de seis anos Julia Aguiar e eu sumamos forzas para compartir unha semana de arte super especial: no Taller de Arte para pequeartistas máis creativos e expresivos: a semana do 26 ao 30 de Decembro. Toda a info aqui no blog ou escribindo a polotallerdepolo@gmail.com 

 


  Talleres de Colaxe: 

Os días 7 de Decembro e 4 de Xaneiro teremos no tallerdepolo obradoiro de colaxe ( o día 21 colaxe no centro da cidade ;) , son talleres soltos-individuais, nos que imos desenvolver a nosa creatividade a base de cortar e pegar. Imos coñecer artistas que empregan o colaxe como medio de expresión e ver as moitísimas posibilidades que nos ofrece esta técnica que pode chegar a ser sorprendente e moi sofisticada. Faremos un xogo en grupo e realizaremos exercicios que nos introduzan na dinámica do colaxe para expresar as nosas ideas. Os materiais están incluídos no taller pero se tes tesoiras favoritas podes traelas. Ao final da xornada levarás a casa varios traballos que te sorprenderán. O prezo de cada obradoiro é de 25 euros, empezando ás cinco e ata as oito, tomando a tarde con calma , abstraéndonos e pasando un tempo de calidade xuntas-os .

O 21 de Decembro faremos o obradoiro de colaxe en San Andrés, colaborando co Feirón se Patrón, a un prezo especial nun ambiente festivo e rodeadxs de moita arte . Escríbeme para reservar praza en calquera deles. 

luns, 1 de marzo de 2021

Actualizando o horario de clase!

Bo día, que vos hei contar que non saibades xa? O horario foi mudando cada semana e iremos adaptándonos ás necesidades dos grupos e aos cambios que, dende as autoridades, nos marquen
As clases estiveron e están en marcha, adaptándonos a cada protocolo, con coidado e aportando moita creatividade, arte e benestar!! Aquí seguimos!!
As clases son en pequenos grupos  (catro persoas) o que nos está permitindo mesturar intereses e unha atención súper persoal e a medida, de maneira que cada alumna-o vai explorando tecnicamente aquelo que desexa probar ou dominar. Lembrade que podedes aprender a pintar dende cero ou avanzar e explorar algún bloqueo ou dificultade que teñades pendente de resolver;  óleo, acrílico, mesturar técnicas... aprender acuarela, colaxe, debuxo... hai moitas posibilidades, eu vos guio!

O noso horario actual ven sendo o que vedes na imaxe, máis horas soltas de titorías para o grupo de laboratorio, un taller de laboratorio mensual para mulleres creativas(te apetece explorar toda esa parte creativa que hai en ti ?), un grupo de peque artistas ( de seis a dez anos) liderado por @atelierconjulia , Julia Aguiar aportando enerxía e moito amor a esas clases moi coidadas e enriquecedoras. Abrimos nova quenda os venres, calquera información que desexes con gusto te contestamos tanto eu (617293024) como Julia no tlf. 634583689
Tamén en marcha un pequeno grupo que se está achegando á fotografía e ao manexo/comprensión das redes sociais nestes “tempos tan de imaxe” – con cámara ou co teu telefono móbil-  liderando o fotógrafo Lyonell Quiroz  -temos unha praza libre esperándote, non te despistes! Cosúltanos calquera dúbida! 




A primaveira empeza e a nós píllanos facendo o que tanto nos gusta, compartir arte, aprendizaxes e tempo de calidade. Estámoste esperando! 

 

 











 

 

venres, 27 de novembro de 2020

“O que desexo o que necesito”

Neste taller deseñado para a Asociación veciñal “Os nosos lares” de Palavea tiñamos o reto de reutilizar e reciclar materiais , aproveitando o que temos; para reflexionar mediante a arte sobre a sociedade de consumo na que vivimos.

Mediante o colaxe reciclamos folletos publicitarios dos que chegan a mogollón as nosas caixas de correos, tamén imaxes de revistas vellas e caixas de ovos da empresa Pazo de Vilane, caixas de cartón moi interesantes para re-utilizar.

Cada participante no obradoiro explorou acerca dos seus desexos e tamén sobre cal son esas necesidades vitais realmente imprescindibles para seguir adiante coas nosas vidas. Resultando que nesas necesidades estaban os afectos, as reunións sociais e a tranquilidade... que se mesturan co desexo porque á vez que son necesidades de primeira orde tamén representan momentos de ilusión e goce. Os desexos de bens materiais que estruturan a sociedade de consumo fronte ao afectivo, que moitas veces, se transforma-confunde nun ben de consumo. O colaxe para este taller funciona moi ben e permite representar fielmente obxectos pero tamén mostrar metafóricamente anhelos abstractos de maneira moi persoal. Para algunhas das participantes foi a súa primeira experiencia co colaxe, quedaron moi satisfeitas coa actividade e coas posibilidades que lles brinda o cortar e pegar. 

 






 

venres, 7 de agosto de 2020

Nocturnia "colaxe da natureza"

O ultimo venres de Xullo foi a quenda dun Nocturnia especial (programa de ocio saudable para a mocidade promovido dende o Concello de A Coruña) . Unha edición especial para este verán; para ofrecer ás persoas mais novas oportunidades de ocio diverso e de calidade.

Ao tallerdepolo correspondeulle un obradoiro de "Colaxe da natureza", no que empregamos unha selección de imaxes vexetais, animais... como punto de partida para crear composicións sorprendentes e fermosas. Unha boa xornada traballando con un pequeno grupo de mozas do mais creativas; pasou o tempo voando!!

Estade atentxs ao programa Nocturnia, aínda tedes talleres e actividades estupendas ao voso alcance, gratuítas e favorecendo un ocio diferente. Aproveitade mentres dure ;) 

 https://www.coruna.gal/cmix/gl/necesidades-de-fogares/nocturnia-xullo-agosto-2020-programa-de-ocio-alternativo/suceso/1453736666716

 


domingo, 12 de xullo de 2020

taller de colaxe para nocturnia


Este verán dentro do programa especial de Nocturnia (programa gratuíto de ocio do  Concello da Coruna para mocidade de 12 a 30 anos ) realizaremos un divertido taller de colaxe e natureza.

Será no Centro Agora ,  o venres 31 de Xullo de 21 a 23,00 horas

ATENCIÓN! a inscrición realizarase na semana do 27 ao 30 de xullo , estade atent@s!!

https://www.coruna.gal/cmix/gl/necesidades-de-fogares/nocturnia-xullo-agosto-2020-programa-de-ocio-alternativo/suceso/1453736666716






Coñeceremos artistas que se expresen empregando elementos da natureza para crear os seus colaxes, serán o punto de partida para que cada participante realice o seu traballo individual. Cada persoa traballará no seu deseño de colaxe manual da natureza, buscando e relacionando imaxes botánicas, mesturando paxaros, bolboretas, plantas e outros elementos. Dispoñeremos de materiais diversos para mesturar técnicas e experimentar na busca de esa idea que queiramos exportar, facendo que as participantes realicen varios colaxes onde a prioridade sexa a natureza.

domingo, 24 de novembro de 2019

Obradoiro de colaxe en nocturnia, programa do concello para a mocidade


Marabilla de obradoiro en nocturnia, con un grupo de persoas moi creativas con ganas de xogar con colaxe un sábado pola noite. Agradecervos a vosa participación e apoio á nosa labor; nocturnia continua con moitas e moi boas propostas, estade atentas e aproveitade este programa de ocio para a mocidade promovido dende o Concello de A Coruna. 









No taller achegámonos a obra de varixs artistas que empregan o collage como forma de expresión. Analizamos diferentes obras para levar ideas e non bloquearnos ante o papel en branco, ter referencias. Logo xogamos para abrir o obradoiro con unhas normas e limites a ter en conta, unha maneira de poñernos en relación unhas cas outras e perder o medo a empezar a cortar!








 

xoves, 28 de marzo de 2019

Próximos obradoiros en nocturnia


Ofrecémosche tres obradoiros artísticos gratuítos dentro do programa de ocio alternativo Nocturnia, para a mocidade de 12 a 30 anos de idade. Tres posibilidades de achegarte á creación plástica: mediante a pintura acrílica a través da figura de Frida Kahlo, sorprenderte co colaxe e os seus imprevisibles e variados resultados e, achegarte ao arte máis libre e viaxeiro facendo mail art. 
Tes información fresca no evento de facebook   
https://www.facebook.com/events/606726183126046/


3. “Creando con Collage” 10 de Maio, de 21 a 23:00 horas no Centro Agora
Descubrir o inesperado a través do colaxe/collage, unha técnica plástica que nos permite o xogo e a sorpresa. Divertirse, coñecer obras de artistas que empregan o “cortar e pegar” como maneira de expresión e facer cada participante a sua proposta artística. 




A inscrición para cada obradoiro é semanal As inscricións ábrense os luns ás 16.00 h e péchanse os xoves ás 12.00 h, ou ata esgotar as prazas. Consúltanos calquera cousa que precises a través do correo electrónico nocturniacoruna@gmail.com .Os formularios de inscrición a través da web coruna.es/cmix


1."Taller de mail art" 5 de Abril, de 21 a 23:00 horas no Centro Agora. Crearemos arte para enviar por correo postal, participando nunha convocatoria en marcha; activaremos a nosa imaxinación de maneira divertida sumándonos a unha rede mundial de artistas. 


2. “Pintando con Frida” 12 de Abril, de 21 a 23:00 horas no EIX *
Coñecer mellor a obra de pintora Frida Kahlo que nos sirva de inspiración para realizar unha pintura; deseñaremos e pintaremos con acrílicos o noso persoal cadro.
*Espazo de Iniciativas Xuvenís





A inscrición para cada obradoiro é semanal As inscricións ábrense os luns ás 16.00 h e péchanse os xoves ás 12.00 h, ou ata esgotar as prazas. Consúltanos calquera cousa que precises a través do correo electrónico nocturniacoruna@gmail.com .Os formularios de inscrición a través da web coruna.es/cmix