MOSAICO DA MEMORIA NA UDC, en Arrolar

 

Encontro do Mosaico da Memoria o día 8 de Maio 2026 en A Coruña, de 1630 a 1930. Gracias á cooperativa Atalaia por contar comigo nesta nova edición de Arrolar na Cratividade, Autocoidados feministas.

Moitas gracias por vir e compartir a historia das mulleres que deixaron pegada na vosa vida. Imos enchendo un capítulo da historia non contada; o capítulo das que coidaron de nós e sustentaron a vida.

 

   

PRÓXIMAS ACTIVIDADES

 Volve o Mosaico da Memoria :) esta vez en Teo e en Vigo. 

Únete a crear en comunidade esta obra grande polo que representa e porque da visibilidade a tantas mulleres que normalmente quedan aí agochadas... os coidados, os afectos,... ti sabes. 

O sábado 20 de setembro estarei en Cacheiras, Teo, no Local de María Xosé Díaz e só tes que reservar a túa praza escribindo ao email polotallerdepolo@gmail.com e así te explico os detalles. 

O sábado 27 de setembro estarei en Vigo, na Asociación Lar de Sopas de 11:00 a 14:00 e de catro a seis, argallando xuntas este mosaico. 

Sabes que é unha actividade gratuíta para as participantes. Pero si que tes que traer algún material persoal que te indicarei por correo cando realices a túa reserva. 

En Teo podes ver a miña expo individual no Local de María Xosé Díaz durante setembro e parte de Outubro. Inauguración o día 12 , estás convidadx! 

Próximos encontros do Mosaico da Memoria

 

Convidámoste a formar parte do proceso de creación dun mosaico que recolle a parte feminina do noso pasado, re-visitando ás nosas mulleres referentes; avoas, nais, tías, amigas,... unha oportunidade para conectar e entender ás mulleres que nos precederon. O pasado aínda nos constrúe?

Realizaremos unha obra artística que une todas as pezas que vaiamos creando en diferentes obradoiros e lugares ao longo deste ano e próximo. Empregaremos o colaxe como técnica guía ou predominante podendo incluírse tamén debuxo ou o que xurda no momento e segundo os materiais que teñamos a man.

Actividade gratuíta para mulleres, os próximos encontros serán en Bergondo e na Casa Museo M Pita. Para o encontro en MPita aínda quedan prazas podes reservar escribindo a polotallerdepolo@gmail.com ou no tlf 617 293 024. 

E lembra que aínda podes visitar a exposición Mosaico da Memoria ata o día 30 de xuño na Casa Museo María Pita.

 

 

 

 

Con Marina naidedía

Enredoume “Marina nai de dia” para incorporar a miña forma de entender a expresión plástica  ao seu proxecto de “madre de día”. Marina González lidera dende hai anos un proxecto de nai de día en Santa Gema, en A Coruña. Unha pequena familia de peques de cero a tres anos coidados e moi queridos por Marina que os acolle ao longo do ano, coincidindo normalmente co curso escolar.    

 

Un reto e unha gran aprendizaxe levar a miña práctica a estas persoas tan pequenas como abertas ao mundo e a exploración, aprendo eu básicamente :)))
Síntome feliz con esta oportunidade que me brindou Marina, unha compañeira marabillosa e xenerosa. Momentos incribles vividos con unhas peques que teñen en Marina unha compañeira para medrar cheas de cariño. 

 

O entorno para as peques ao chegar o bo tempo é unha delicia, un pequeno xardín permitenos experimentar fóra desfrutando do aire libre. Na imaxe podedes ver o mural que pintei o pasado verán para darlle cor e máis visibilidade ao seu espazo. 

 

 

Fermosa mañá facendo coroas con Paula Cabaleiro

O pasado sábado abrimos o taller a un obradoiro dinamizado por Paula Cabaleiro que nos trouxo o final do outono en forma de coroas de Nadal; Paula axudounos a crear unhas fermosas e decorativas coroas a partir de elementos naturais. Un obradoiro para todas as idades, ideal para compartir un tempo ledo e creativo  coas crianzas ou con amigas/os. Foi unha xornada alegre, chea de sorpresas en forma de sementes e beleza que a natureza nos ofrece. Empezando a tempada de Nadal con creatividade e sensibilidade.

Gracias a Paula polo seu bo facer e gracias as persoas que vos apuntastes a este día diferente, fermosa xornada! 

https://www.facebook.com/paula.cabaleiro.1

 

 

 

Estade atentxs aos próximos obradoiros!

Para peques e tamén para maiores. Invernarte, para peques os días 26 e 27 de Decembro pola mañá e Invernarte maiores o luns 30 pola tarde.

Dinamizando con arte as xornadas Enraizarte

O pasado sábado 30 de Novembro estivemos no Centro cívico de Monte Alto , da man de Zocamiñoca Soc. Coop. Galega e con Espazocoop Unión de Cooperativas Galegas dinamizando un espazo de conciliación para peques mediante a arte plástica. Propuxemos un obradoiro no que que pensar: "o que desexamos e o que necesitamos" coa axuda de moitos folletos de publicidade recollidos ao longo de semanas, re-utilizamos tamén caixas de embalaxes varias que nos serviron para formar unha instalación alí mesmo. 

 Pois non che é tan fácil separar as necesidades dos desexos e viceversa ;) 

 

Creación dunha obra colectiva que se irá construindo entre as persoas participantes. Partindo de caixinhas de cartón e folletos publicitarios (recollidos previamente estes materiais do lixo) cada persoa traballará plasticamente sobre o que quere(o que desexa consumir ou posuír) e noutra caixa/espazo seguirá a traballar sobre o que necesita (reflexión sobre o imprescindible e importante para a sua vida). Empregaremos colaxe e pintura, aportando cada persoa en función da sua idade e implicación. O espazo de traballo irase ocupando por estas creacións poñendo en tensión-relación ámbalas dúas propostas.

 

Moi boa experiencia no marco das xornadas Enraizarte sobre consumo responsable para celebrar os 10 anos de Zocaminhoca, unha cooperativa de consumo de produtos ecolóxicos -traballa con productorxs locais-, dende un posicionamento de responsabilidade que, si fora maioritario, faría mudar este mundo. Gracinhas por confiar no taller e nas artes!

 https://www.zocaminhoca.org/

 https://espazo.coop/

ARTE+EMOCION

O obradoiro ARTE + EMOCIÓN é un taller para compartir con amor e ilusión. 

 

"A vida me vai construíndo e eu me vou re-construíndo, segura de que podo crear andamios, vigas e fachadas que me dean consistencia e apoio. Un dos alicerces da miña historia foi o descubrimento da arte, das artes plásticas, da pintura ... e iso é algo que quero compartir, porque sei que as artes teñen unha cualidade netamente humana que pode axudar a dar sentido ao estar/ser.

Por isto, cando teño a oportunidade de dar un taller especial, como un taller de Arte + Emoción, no Centro de Información á Muller, nun programa de acompañamento e coidado, e compartir a miña experiencia de vida con persoas que, coma min, avanzan deixando atrás un pasado que doe

sinto que me fan un agasallo, que me volven a un presente xeneroso no que hai moito por facer... “

 

Gracinhas Naiara ! 

Taller de carvado de sellos y estampacion en madera

O próximo sábado día 27 no tallerdepolo estará Sucede arte visual ofrecendo un divertido e creativo taller de selos e estampaxe sobre madeira. Sucede é un novo proxecto creativo que mestura os saberes da creación visual e fotográfica co deseño e a artesanía; sempre tendo como alicerce o coidado polo medio ambiente. Con ampla experiencia na realización de talleres Sucede ofrécenos unha tarde chea de sorpresas e aprendizaxes divertidas, ademais de levar para a casa uns obxectos fermosos cheos da enerxía mais respectuosa coa natureza. Aínda estades a tempo de anotarvos e desfrutar un sábado distinto en moi boa compaña.

Inscricións en sucedeartevisual@gmail.com

https://www.facebook.com/sucedeartevisual/

Taller para peques Verán é Arte

Este Xullo 2018 temos nova sesión de Verán é Arte, obradoiro infantil no estilo do tallerdepolo, achegándonos ás Artes Plásticas e á Historia da Arte dende a xeración dun espazo de crecemento artístico e persoal. Compartindo dende o barrio e co barrio a experiencia, tratando de ser-facernos conscientes das nosas aprendizaxes e das vivencias compartidas. Desta volta acompañarannos as integrantes do proxecto TocaMadera (reciclaxe e artesanía); con elas achegarémonos á sensibilidade pola natureza o coidado da vida natural e a reciclaxe.

 https://www.instagram.com/tocamaderagalega/

 https://www.facebook.com/tocamaderagalega/

 

Como nas edicións anteriores daremos importancia as sinerxías xeradas entre as participantes, ao desenvolvemento creativo individual e do grupo e ao seu enriquecemento en coñecementos artísticos e cultura visual, tan necesarias nunha época na que predomina a linguaxe visual como forma de comunicación/ propaganda/consumo/cultura, etc.

A nosa proposta é para os martes e xoves do mes de Xullo, en horario de 11:00 a 13:30 horas, para nenxs a partir de seis anos. O custe de todo o curso e de 65 euros/participante e se inclúen os materiais e pequena merenda (froita). 

 

Podes inscribirte en polotallerdepolo@gmail.com ou no tlf. 617293024

Taller de arte+emoción, no Centro de Información á Muller, da man de Atalaia Social

A miña historia de vida foi complicada (como a de moitas persoas) e iso me fai pensar no momento presente, tratar de ser consciente do agora (digo tratar porque é moi difícil estar/ser ao minuto/no momento presente). Por nada do mundo volvía eu ao pasado, teño o presente: trato de que sexa consciente e coherente, o mais posible co meu pensar, é difícil, pero trato de facelo así. 

 

A vida me vai construíndo e eu me vou re-construíndo, segura de que podo crear andamios, vigas e fachadas que me den consistencia e apoio. Un dos alicerces da miña historia foi o descubrimento da arte, das artes plásticas, da pintura ... e iso é algo que quero compartir, porque sei que as artes teñen unha cualidade netamente humana que pode axudar a dar sentido ao estar/ser. 

 

Por isto, cando teño a oportunidade de dar un taller especial, como un taller de arte + emoción, no Centro de Información á Muller, da man de Atalaia Social, e compartir a miña experiencia de vida con persoas que, coma min, avanzan deixando atrás un pasado que doe;

sinto que me fan un agasallo, que me volven a un presente xeneroso no que hai moito por facer... 

Foi unha tarde divertida e cálida, agradecida :) 

https://www.facebook.com/AtalaiaSocial/

 

 

MAIL ART A beira de , a ribeira

Este curso participamos na convocatoria de arte postal de Manoel Bonabal, “A beira de, a ribeira”. http://manoelbonabal.blogspot.com.es/
No seu blog tedes todos os datos para participar, non a deixedes escapar!
 
Contamos de novo coa colaboración do mail artista Carlos Botana para que nos falara máis en profundidade sobre esta práctica artística tan interesante e libre, que percorre tódolos recunchos do mundo. Nós dende Os Castros ata Ribeira abrimos unha ponte de arte/diversión e aprendizaxes, gustosxs de construír pontes.

 

Poderemos ver todas estas creacións de arte postal e moitas mais en Ribeira.

http://manoelbonabal.blogspot.com.es/2017/09/convocatoria-beira-de-ribeira.html

Taller Aberto 2017, sobre o acontecido II PARTE

Ser conscientes, responsables, líderes, tomar decisións, colaborar coas/cos compañeirxs ... sentirse importantes polo seu traballo e capacidades. Moita maxia. E moito traballo previo de preparación do alumnado: múltiples detalles e tarefas.

O venres estivemos organizando o espazo durante toda a mañá e aínda nos quedaron detalles para o venres pola tarde e sábado. Dar as gracias a Sementa, centro de jardineria, que nos cedeu plantas para a decoración, sempre están atentas a nós.

https://www.facebook.com/sementa.trc/?hc_ref=ARTEoYeeyXQZHnc-eA3k9dfS_Vbh3OS7DxsYMXX-KgDVniosmD3UmwqvniqfM_UXMHg

 A nosa expo con diversos traballos, cartelas, explicacións sobre alguns deles... visitas guiadas polxs artistas.

Todo o proceso de elaboración das cacas do Proxecto KK , bosquexos previos, modelado en barro, moldes, reproducións en papel... e Manzoni vixiante :) 

 

Pola tarde o máis novo alumnado ofreceu un máxico taller de Monstros, moi recomendable e que volvemos repetir ao longo do sábado. Un dos rapaces de seis anos lle contaba a un amigo: “Vou ser profe esta tarde” e o amigo contestaba: “Non! Eso non é posible! Es moi novo para ser profe” :)

Estamos dispostxs a repetir o Taller de Monstros en calquera momento se gustades probar :)

 

 No exterior demos forma á instalacion desenhada por Tania e realizada coa colaboración de Paula, Dani, Carlota, Xoel, Martín e Mónica

 

Os mellores desexos para o ano que está a punto de empezar; dende o tallerdepolo para vós que nos seguides, para amigxs e alumnado e, por suposto, os mellores desexos para a Humanidade toda, para que floreza en todas as

súas capacidades/dimensions ... para que nos permita ser o mellor posibles: seres humanos xustos e dignos