xoves, 14 de decembro de 2017

Taller Aberto 2017, da man do alumnado mais novo.


Un novo ano de Taller Aberto, desta volta é obra do alumnado mais novo do tallerdepolo. A mocidade do taller mostra e selecciona as súas obras, deseña a exposición e convídavos a coñecelos, compartir obradoiros e charla sobre arte.

O venres 22 inauguramos exposición as 17:00 horas, ás 17;30 horas o grupo mais novo de artistas ofrécevos un Taller de Monstros (reservade praza), e o sábado 23 ofrecémosvos outro obradoiro (as 12: 00 horas mais info e reserva de prazas tallerdepolo@hotmail.com).


O Taller Aberto é o momento de abrir o espazo de traballo ao barrio, a Os Castros. Ofrecer unha Exposición e a oportunidade de conversar e compartir sobre diferentes experiencias creativas, nesta ocasión escoitar aos mais novxs creadores e imaxinadores. Se o ano pasado falabamos dende a mirada da Muller artista e mestra, agora toca mirar dende o outro lado do fío condutor desa relación de aprendizaxe mutua. Dar voz e dar un espazo de coñecemento e reflexión alternativo ao ocio mais masivo e popular, ofrecéndolles aos mais novxs alicerces sólidos, profundos que os acompañen na viaxe que están a empezar.
Dende a complicidade do mesmo alumnado, das súas familias e da rede de amigas e amigos do tallerdepolo cómplices nas aventuras que compartimos cada ano, coa mellor das intencións e motivacións seguimos a construír; soñando cun mundo mais xusto e mellor para todas as persoas que o habitamos. 






 

Ningún comentario:

Publicar un comentario