Os próximos obradoiros serán moi especiais e serán no barrio de Palavea.
Obradoiros didácticos acompañando o encontro entre artistas e veciñanza. Na compaña da Asociación veciñal "os nosos lares" nace Transitando arte, un proxecto para achegar arte, creación, creatividade a un barrio que imos situar no centro.
O primeiro encontro será o próximo sábado 23 pola tarde, a partir das cinco, Benito Freire compartiranos unha das súas obras que se moverá polo barrio, Verónica Ramilo xerará unha nova peza fotográfica a partir desta experiencia conxunta de creación e reflexión. O barrio será protagonista ao igual que as persoas que vos acheguedes a vincularvos con esta experiencia. A segunda parte do encontro é un obradoiro didáctico onde poñer en práctica os conceptos e ideas que vaian saíndo deste transitar.
@benitofreire @ramiloveronica
Para participar só tes que anotarte en osnososlarespalavea@gmail.com a actividade é gratuíta e será desenvolta a través das axudas artísticas do PRESCO 2021
No segundo Encontro , eu mesma vos presentarei unha obra na que estou traballando e que, cos vosos aportes e o que aconteza ese día 6 Novembro irei rematando e tela lista para a Exposición que realizaremos en Decembro con estas obras e artistas implicados. Para crear ese mesmo día unha nova peza fotográfica nos acompaña Roi Alonso e, acabaremos con un obradoiro que recolla un pouco do vivido esa tarde. @roialonso_fotografía
O terceiro encontro, 13 de Novembro, conta con ALIVAVÁ , que nos contará a súa historia e proceso creativo en parella, facendo beleza a partir do lixo. Fotografa convidada Carlota Méndez que creará unha peza que recolla a esencia do vivido por todxs nós esa tarde de convivencia creativa. @vazquezalicia @carlotamendezfotografia
Haberá tamén obradoiros levados a cabo por Julia Aguiar, elchano e Sucede Arte Visual, estade atentxs as redes sociais da @avpalavea ou a @Polo_tallerdepolo ou os instagrams dos propios artistas , @julia.guiar @elchano_o @sucedeartevisual
TALLER INFANTIL
Os xoves de Xullo e Agosto pola mañá , de 11:00 a 12:30 horas taller creativo, libre e divertido con Julia Aguiar, para nenas e nenos a partir de cinco anos.
Julia ten unha amplia experiencia en talleres con peques e nótase que é o que máis lle gusta porque prepara cada actividade pensando os detalles e está moi atenta á interacción e ás dinámicas que xurden na actividade.
Podes vir o mes completo ou vir días soltos, consulta con Julia os detalles 634 58 36 89 ou no email Mail/ juliaguiarmarcos@outlook. @atelierconjulia
Este é o horario de Xullo e aínda temos praza para ti, consúltanos en polotallerdepolo@gmail.com ou no tlf. 617 29 30 24
Ningún comentario:
Publicar un comentario