En decembro do 2015 abrimos
as portas do espazo de Artes Plásticas tallerdepolo como
Galería de Arte na que mostrar o traballo de varios artistas e
artesáns do barrio e da cidade da Coruña.Esta convocatoria resultou moi ilusionante e deu pé a posteriori a outras actividades e encontros diversos entre @s participantes, así como a necesidade de repetir e modelar un novo Taller Aberto. Si o ano pasado nos xuntamos varios artistas, artesáns e creadores do barrio e da cidade, coñecéndonos ou reencontrándonos e facéndonos presentes no barrio de Os Castros, este ano xurdiu a proposta: Miradas de mulleres creadoras e mestras.
A
raíz dunha experiencia de mansplaining (necesidade
dalgúns homes de explicar á muller presente algo que ela mesma
fai-crea) vivida nun
ambiente entre colegas artistas, xurdiu a idea de xuntarnos e
compartir experiencias mulleres que desenvolvamos unha labor
artística e tamén formadora na cidade.
Coa
idea de compartir experiencias, dúbidas, anécdotas,...
especialmente con mulleres creadoras (artistas, ilustradoras,
artesáns,et) sobre esta profesión (ás veces tamén forma-filosofía
de vida). Moitas trasladamos estes coñecementos técnicos a outras
persoas; adultas ou pequenas e, incluso ás veces, tratamos de
compartir tamén a nosa forma-filosofía de vida... ou tratamos de
transformar (pensamos que pra mellor) o entorno máis achegado.
Con estas actividades de
novo nos propoñemos dinamizar o barrio
de Os Castros abrindo un espazo á cultura e á reflexión artística.
Achegando ao barrio o traballo de creadoras diversas que operan no
territorio galego. Abrir un espazo onde mostrar ao público xeral os
traballos creativos das participantes así como os seus proxectos que
vinculen educación e artes. Fomentar relacións, enredos e posibles
colaboracións entre talleres, entre artistas ou entre estes e o
barrio...
Abriremos
as portas o venres 16 de decembro: o sábado as once realizaremos un
Taller Infantil Aberto “Mirada de artista” en relación á
exposición(é importante reservar praza con anterioridade). Ese
mesmo día ás seis propoñemos un Café-conversa de varias mulleres
artistas-mestras onde reflexionar sobre esta profesión dual. O
domingo teremos as portas abertas ao barrio e ao público que queira
visitar e coñecer estes traballos e proxectos vinculados á
educación, conversar e dialogar fronte as obras e pasar un día
diferente.
Esperando
vervos de novo polos Castros!
Lembrade
en Monte das Moas 17, baixo- tallerdepolo.blogspot.com
Ningún comentario:
Publicar un comentario