Tocounos
ao longo do mes abordar o gravado a través de pequenas pranchas de
linóleo. Faise un pouco complexo para xs máis pequenos comprender o
funcionamento do gravado polo que fixemos uns bosquexos previos,
miramos sinxelos gravados feitos con linóleo e tratamos de
achegarnos amodo a esta posibilidade plástica.
Para
as e os máis cativos empregamos patacas cortadas ao longo ou tamén
plastilina xa usada e algo dura... aínda así houbo quen se cortou e
o risco ao traballar cas gubias está aí, presente.
As
posibilidades co gravado son tremendas e nós tan só nos achegamos
un pouquiño... deixamos as pranchas gravadas na clase para ir
facendo impresións e probas cando nos vaia cadrando ao longo do
curso...
gravados de Jime, Angel, Candela, Carlota, Gabi, Antón (tartaruga), Sandra(tesoira) e Tania
xa
que é difícil que nos saian perfectas á primeira, temos que
aprender a aplicar a pintura, colocar a prancha ben centrada no
papel, procurar non manchar, aplicar co rodete forza dabondo... e
demais sorpresas que xorden na práctica ;) hai que pillarlle o
punto!!!
Ningún comentario:
Publicar un comentario