Pronto
se achegan as datas de festas de Nadal , despedida do ano 2022 e dar
a benvida a un novo ano que seguro ten moito bo que ofrecernos. É
por iso que neste correo te comparto varios talleres pensados para o
mes de Decembro e Xaneiro, para acabar e empezar o ano de maneira
creativa, pensando e emocionándonos coa nosa imaxinación e coas
habilidades que, as veces, deixamos un pouco esquecidas pero que
están aí esperando saír. E sabes que se queres regalar un taller
te deseño un vale ben bonito para ese día que regalas e que logo
ten un amplo período de uso.
Son
talleres para todas as idades. Empezando polos máis cativos da
familia, a partir de seis anos.
Julia
Aguiar e eu sumamos forzas para compartir unha semana de decembro co
Taller de Arte para pequeartistas máis creativos e
expresivos: a semana do 26 ao 30 de Decembro de 10:00 a 14:00 horas
(flexible) . Toda a información máis abaixo e calquera dúbida por
aquí estou para tratar de resolvela.
Para
persoas adultas (e a partir de 12 anos) ofrézovos varias
propostas, todas elas para desenvolver a vosa creatividade, explorar
e pasar un tempo de benestar e lecer en boa compañía. Vos explico
cada unha con máis detalle ao final do email. Todas as
actividades teñen un limite de prazas e tamén un mínimo
de participantes necesarios para poder realizarse. E calquera
cousa me escribes ou chamas ao telf. 617 293 024 o mesmo para facer a
reserva de praza.
-----Taller
de Diario Visual ou Art Journal – tres sesións de dúas horas
e o resto se traballa individualmente ao longo do mes. Martes 13, 27
Decembro e 3 de Xaneiro no tallerdepolo ou outro lugar da cidade
previamente consensuado.
-----Talleres
de Colaxe, son talleres soltos
os días 7 de Decembro, 21
decembro ( o lugar aínda
está por determinar) e 4 de Xaneiro no tallerdepolo.
------Taller
de iniciación á Acuarela –son talleres soltos, de tres horas
nun día . O Sábado 17 de Decembro e 7 de Xaneiro no tallerdepolo.
TALLER
DE ARTE PARA PEQUEARTISTAS
“Ofrecémosvos
un obradoiro que empeza o día 26 ata o día 30 con horario de dez(
ou un pouco antes se o precisas) ata as 14:00 horas, con
flexibilidade se precisas que te esperemos.
Está pensado para
nenxs a partir de seis anos e ata doce, ou que teñan certa autonomía
e poidan estar a mañá con nós sen estrañar á familia.
Vai
a ser un taller moi completo combinando a expresión artística con
distintos materiais e propostas a partir da obra de Frida Kahlo,
Dubuffet e Y. Kusama. Realizaremos escultura, fotografía, pintura e
ata unha instalación mesturando o traballo individual e colaborativo
entre as participantes. Estruturaremos as actividades cada día de
maneira similar para xerar un ritmo de seguridade e solidez. Con unha
parte teórica sinxela e aberta ao diálogo no grupo e unha parte
práctica na que deixar espazo á expresión e creación máis libre.
Reservamos un dos días para facer unha visita en grupo ao Museo de
Belas Artes e empaparnos de arte toda a mañá. Faremos o
desprazamento no transporte publico como parte da experiencia,
observando a contorna con ollos de artista.
Previo
ao comezo do obradoiro buscaremos un día para reunirnos con vós,
coas familias , para que nos coñezades a Julia e a Polo, e falar
polo miúdo.
O
prezo do taller é de 80 euros
cada nen@ pola actividade completa (no caso de sobrar prazas
admitiremos nenxs en días soltos). Este prezo inclúe os materiais
pero non inclúe unha merendiña para media mañá, que debe traer
cada participante. Tampouco inclúe os desprazamentos ao museo que
realizaremos no transporte urbano para o que sería conveniente traer
cada unha a súa tarxetiña de bus.
Para irmáns te facemos un
desconto e quedaría en 75 euros para cada peque. Tamén teñen
desconto o alumnado do tallerdepolo e do Atelier con Julia.
Para
formalizar a reserva escribe por email polotallerdepolo@gmail.com ou
aos telf. 617 293 024 e 634 583 689 e te daremos un numero de conta
no que realizar o ingreso de 20 euros (que serán un adianto do
importe do taller).
Temos un máximo de 12 prazas para
desenvolver esta actividade e un mínimo desexable que, de non
cubrirse, implicaría a non realización do taller e a devolución da
túa matricula.”
TALLER
DIARIO VISUAL DE NADAL
“Unha
reflexión visual e persoal para este tempo de Nadal. Unha época que
ao tempo que nos gusta desfrutar tamén nos provoca emocións
encontradas; unha tensión que podemos levar ao noso diario de imaxes
e incluso ir compartindo a experiencia en grupo.
Este
caderno resultante pode ser un especial agasallo para alguén
querido, para compartirlle ese tempo tan especial, os encontros,
afectos e costumes compartidos.
Ou
pode ser un agasallo para ti, tanto o proceso e a reflexión como o
resultado, un obxecto cheo de vida e lembranzas.”
Taller
estruturado en tres sesións:
-Martes
13 (mañá ou tarde, depende do grupo que se forme). O DIARIO:
o camiño que imos emprender. O noso diario formato, tipo de papel,
selección de recursos e palabras clave para preparar a entrada no
Nadal. Encontro en grupo e primeiras páxinas.
-Martes
27 (pola tarde). EN ELLO: estamos de cheo no movemento das
festas, compartir avances e pasos, a estética do caderno, recursos
empleados e novas propostas. Animo que seguimos!
-Martes
3 (mañá
ou tarde, depende do grupo que se forme).
DETALLES FINAIS: xa queda pouco, revisión e busca de unidade.
Compartir as sensacións desta práctica en grupo.
O
prezo do total desta actividade é
de 40 euros participante, non inclúe o caderno nin o material
que cada unha vai traballar en casa. No taller compartiremos recursos
técnicos, ideas para enfocar a actividade, consellos estéticos e
formais. A xeración de un grupo dinámico que compartirá esta
vivencia en continua comunicación axudará a dar consistencia e
continuidade ao caderno.
Podedes
contar co meu asesoramento á hora de mercar o diario ou materiais;
que correrán a cargo de cada participante. Necesitaremos cada
participante un caderno de unhas trinta páxinas que iremos enchendo
día a día. En compañía. E necesitaremos materiais sinxelos como
rotuladores ou lapis de cores, e outros que ti queiras engadir.
TALLERES
DE COLAXE
O
día 7 de Decembro, 21 de decembro e 4 de Xaneiro teremos no
tallerdepolo obradoiro de colaxe, son talleres soltos-individuais,
nos que imos desenvolver a nosa creatividade a base de cortar e
pegar. Imos coñecer artistas que empregan o colaxe como medio de
expresión e ver as moitísimas posibilidades que nos ofrece esta
técnica que pode chegar a ser sorprendente e moi sofisticada.
Faremos algún xogo en grupo e realizaremos exercicios que nos
introduzan na dinámica do colaxe para expresar as nosas ideas. Os
materiais están incluídos no taller pero se tes tesoiras favoritas
podes traelas. Ao final da xornada levarás a casa varios traballos
que te sorprenderán. O prezo de cada obradoiro é de
25
euros, empezando ás cinco e ata as oito, tomando a tarde con
calma , abstraéndonos e pasando un tempo de calidade
xuntas-os .
O
21
de Decembro faremos o
obradoiro de colaxe en San
Andrés, colaborando co
Feirón se Patrón, a
un prezo especial nun ambiente festivo e rodeadxs de moita arte .
Escríbeme para reservar lugar.
TALLER
DE INICIACIÓN Á ACUARELA
Sábado
17 de Decembro e sábado 7 de Xaneiro , son obradoiros soltos. Pode
ser de mañá ou tarde, depende do grupo que se forme.
Un
taller de iniciación á técnica no que nos achegaremos a materiais
( pigmentos, papeis, pinceis e forma axeitada de uso) veremos
principalmente o uso da técnica húmido sobre húmido, reservas e
texturas que se poden conseguir. Perderemos
o medo a traballar coa auga e veremos como aporta espontaneidade aos
nosos traballos. Faremos
acuarelas sinxelas para que leves para casa .
O
prezo de cada obradoiro
é de 50 euros; son
tres horas de taller para que te inicies e sigas traballando en casa
pola túa conta, os materiais están incluídos .
