aS eNCRoBaS, fanzine


Compartímosvos as imaxes creadas para o fanzine aS eNCRoBaS coa ilusión de que sirvan nas loitas abertas, un material útil para dar visibilidade aos conflitos medioambientais e humanos do planeta.  
 Tania



Este fanzine nace da vontade de divulgar unha parte da historia de Galicia que é de novo actualidade e se está a repetir en moitos lugares do planeta. Un grupo de 14 estudantes do taller de artes plásticas tallerdepolo, de idades comprendidas entre 5 e 50 abordan esta tarefa durante varios meses a través dun proceso creativo colaborativo

O extractivismo é un modelo político e económico de desenvolvemento mercantilista da Natureza, que da prioridade aos beneficios para uns poucos sobre os dereitos humanos e o medio ambiente. Foi o caso de As Encrobas e estase agora a repetir en numerosos lugares de Galicia e no resto do planeta provocando destrución do medio ambiente, saqueo, violencia e migracións forzosas.

Nós empregamos as artes plásticas, que son a nosa ferramenta de traballo para trasladarvos a nosa visión da historia de As Encrobas, na que afondaron catorce estudantes do tallerdepolo de idades entre 5 e 45, nun proceso creativo colaborativo mesturando análise e emoción ao longo de cinco meses.

Para enmarcar este proxecto compartímosvos un anaco da entrevista a Xosé Castro, fotografo da revolta das Encrobas, feita por R. Castro e publicada o 18 de Febreiro 2017, en Sermos Galiza.

- Cre que as novas xeracións teñen conciencia da importancia que tivo aquela loita?
- Creo que non teñen conciencia ningunha. Ese é o problema gordo. Parece que todo o que se fixo atrás hoxe non vale. Pero grazas a aqueles tempos e a esa xente, que puxo por diante a loita, os de agora teñen o que teñen. Ás veces para ben e ás veces para mal, pero vaia. A vida é así, tirar sempre para adiante. Pero o das Encrobas marcou o sentido de ser galegos.

- Que lle di aos seus netos -se os ten- sobre aquela época?
- Xa teño bisnetos. Eu explícolle todo aquilo, das mulleres principalmente. As mulleres tiveron alí toda a iniciativa. O plantexamento foi delas, elas puxéronse diante e foron as que loitaron por aquelas terras. Estaban apoiadas, é certo, por homes, maridos e fillos que había alí. Pero a loita principal foi das mulleres




Carlota


Catuxa
 Dipper
 Laura


Participantes 
peques de cinco anos de idade: Diego, Catu, Luísa Sanchez
de sete a dez:  Laura Rodríguez, Tairon, Dipper, 
de dez a catorce: Noa, Tania, Brais Loost e Paula 
maiores: Carlota Ramudo, Natalia, Sandra e Sonsoles Mosteiro.
Laura Rey Pasandín poema para As Encrobas páxina 1, fragmentos de poema recitado en contra da mina de Touro, O Pino nas páxinas 19 e 22.
C-1246-2019




 Luisa
 Natalia



Fanzine realizado no taller de artes plásticas tallerdepolo durante os meses de xaneiro a maio de 2019 por estudantes de idades entre 5 e 45, ilustrando a historia de As Encrobas. A partir do material de referencia:

-A ceo aberto,documental de Xosé Bocixa Rei A historia que viviron e viven veciños das Encrobas (Cerceda) desde o momento en que se propón a extracción de carbón (1974) enterrado debaixo dun gran e fértil val. Pretendíase, co apoio do réxime franquista, a expropiación de terras para que Unión Fenosa explotase a mina. Tralo conflito chegou un acordo que só foi parcialmente respectado. Trinta anos despois, case mil persoas tiveron que abandonar o val

-Imaxes do fotoxornalista Xosé Castro tomadas durante o proceso de expropiación

-Asunción de ti, no dia que vin o teu retrato no xornal. Xosé Luis Linares Barbeito e Mercedes López Otero.

-As Encrobas: esta terra e nosa e non de Fenosa! Alfonso Eiré “Eu estiven ali”

-https://mariadasencrobas.wordpress.com/2018

-As comadres ‘Nghrobas. Emma Pedreira, II Marcha pola memoria de As Encrobas.

-Agradecer á escritora Laura Rey Pasandín as súas visitas ao tallerdepolo, aportándonos información, estimulo e boa enerxía.



 Noa

 Paula

 Sandra

  Tairon
 Diego

 Sonsoles Mosteiro






Presentación do fanzine e do proceso de elaboración no Autoban, feira de auto-edición en A Coruna e presentación do fanzine en As Encrobas, na III Marcha pola Memoria, 2019








Ningún comentario:

Publicar un comentario